اگەنتتىكتىڭ مالىمەتىنشە، حورموزگان پروۆينتسياسىنىڭ گۋبەرناتورىنىڭ ورىنباسارى احمەد نەفيسي ا ق ش پەن يزرايل بەحمەن كەمە قوناتىن الاڭىنا شابۋىل جاساعانىن ايتتى.
ونىڭ سوزىنشە، شابۋىل سالدارىنان ادام شىعىنى مەن جاراقات العاندار بولعان جوق. العاشقى باعالاۋدان كەيىن جاعداي تۇراقتالعان، كەمە قوناتىن الاڭنىڭ جۇمىسى قايتا جاندانىپ، وڭىردەگى احۋال تولىق باقىلاۋعا الىنعان.
نەفيسي ا ق ش پەن يزرايل كەشم ارالىنداعى تۇشى سۋ الۋ قۇرىلعىسىنا شابۋىل جاساعان دەگەن حابارلاردى جوققا شىعاردى.
- سوعىستىڭ العاشقى كۇندەرىندە تۇشى سۋ الۋ نىساندارىنا جاسالعان شابۋىلدان كەيىن جاڭا شابۋىل تىركەلگەن جوق، - دەدى ول.
ەسكە سالا كەتەيىك، بۇعان دەيىن تەگەران ورمۋز بۇعازى ارقىلى وتەتىن كەمەلەرگە باج سالىعى مەن شەكتەۋلەر ەنگىزگەن بولاتىن.