ا ق ش پەن يزرايل يرانعا جاسالىپ جاتقان شابۋىلعا قاتىستى كونسەنسۋسقا جاقىندادى

استانا. KAZINFORM – ا ق ش پەن يزرايل بينيامين نەتانياحۋ مەن دجو بايدەننىڭ سارسەنبى كۇنگى تەلەفون ارقىلى سويلەسۋىنەن كەيىن تاياۋ شىعىستاعى ستراتەگيالىق ماسەلەلەرگە قاتىستى ورتاق پىكىرگە كەلدى.

بۇل تۋرالى The Times of Israel ينتەرنەت باسىلىمىنا جاعدايمەن تانىس يزرايلدىك دەرەككوز حابارلادى.

يزرايلدىڭ يرانعا قارسى ارەكەت ەتۋ جوسپارى تالقىلانعان تەلەفون ارقىلى سويلەسۋ – ا ق ش پەن يزرايل شەنەۋنىكتەرى اراسىنداعى كەلىسسوزدەردىڭ شارىقتاۋ شەگى بولدى، ول تەگەراننىڭ 1-قازانداعى بالليستيكالىق زىمىران شابۋىلىنان بەرى جالعاسىپ كەلەدى، دەيدى باسىلىم.

الايدا اقۇي بايدەن مەن نەتانياحۋدىڭ تەلەفون ارقىلى سولەسۋى تۋرالى بايانداماسىندا يزرايلدىڭ سوققى بەرۋ مۇمكىندىگى تالقىلانعان-تالقىلانباعانىن ايتپادى. سونداي-اق بايدەننىڭ يزرايلدىڭ قاۋىپسىزدىگىنە بەرىك ۇستانىمىن راستاي وتىرىپ، «1-قازانداعى يراننىڭ يزرايلگە شابۋىلىن ايىپتادى» دەۋمەن شەكتەلدى.

دەرەككوز بۇل كەلىسسوزدەردىڭ الداعى كۇندەرى جالعاساتىنىن جانە يزرايل قورعانىس ءمينيسترى يواۆ گاللانتتىڭ كەلەسى اپتادا پەنتاگوندا ا ق ش قورعانىس ءمينيسترى للويد وستينمەن كەزدەسۋى جوسپارلانعانىن ايتتى.

وسى اپتادا يزرايل پرەمەر-ءمينيسترى بينيامين نەتانياحۋ گاللانتتىڭ ۆاشينگتونعا جوسپارلاعان ساپارىن سوڭعى ساتتە توقتاتىپ، الدىمەن بايدەنمەن يزرايلدىڭ يرانعا قارسى قانداي ارەكەت جاسايتىنى تۋرالى سويلەسۋىن تالاپ ەتتى.

Axios كەلتىرگەن امەريكالىق شەنەۋنىكتىڭ ايتۋىنشا، بايدەن مەن نەتانياحۋ اڭگىمە بارىسىندا «يزرايلدىڭ يرانعا جوسپارلاعان جاۋاپ سوققىسىنىڭ اۋقىمىن تۇسىنۋگە جاقىندادى». سونىمەن بىرگە، باسىلىم سىلتەمە جاساعان يزرايلدىك شەنەۋنىك ا ق ش يزرايلدىڭ جوسپارلارىن ءالى دە تىم اگرەسسيۆتى دەپ سانايتىنىن ايتتى.

اۆتور

ەركەجان سماعۇلوۆا