ا ق ش پەن يران ترامپ كەزىندە ديپلوماتيالىق كەلىسىمگە كەلۋى مۇمكىن

استانا. KAZINFORM - ۆاشينگتون مەن تەگەران «ءوزارا ارازدىققا» قاراماستان، دونالد ترامپتىڭ ەكىنشى مەرزىمىندە اقىر سوڭىندا ديپلوماتيالىق كەلىسىمگە كەلۋى مۇمكىن.

بۇل تۋرالى بەيسەنبىدە Wall Street Journal جازدى، دەپ حابارلايدى تاسس اقپارات اگەنتتىگى.

اتاپ وتىلگەندەي، ترامپتىڭ مەملەكەت باسشىسى بولعان ءبىرىنشى كەزەڭىندە ونىمەن بىرگە جۇمىس ىستەگەندەردىڭ كەيبىرىنىڭ ا ق ش- يران قارىم-قاتىناسىنداعى مۇنداي دامۋدى جوققا شىعارمايدى.

بۇل رەتتە، پەنتاگوننىڭ بۇرىنعى جوعارى لاۋازىمدى قىزمەتكەرى مايكل مالروي باسىلىمعا ايتقانداي، ترامپ مامىلەلەر جاساعاندى ۇناتادى، ءبىراق تەك «بۇل ونىڭ كەلىسىمى بولسا».

سونىمەن قاتار، The Wall Street Journal اقپارات كوزدەرىنىڭ حابارلاۋىنشا، ترامپ يرانعا قارسى سانكسيالىق قىسىمدى بايىپتى تۇردە قاتايتىپ، ونىڭ مۇناي جەتكىزۋ مۇمكىندىگىن توقتاتۋدى جوسپارلاپ وتىر. يران مۇنايى جەتكىزىلەتىن قىتاي پورتتارى دا سانكتسياعا ۇشىراۋى مۇمكىن.

«مەنىڭ ويىمشا، ءسىز سانكسيالاردىڭ قايتارىلعانىن كورەسىز جانە ولاردىڭ (ترامپتىڭ جاڭا اكىمشىلىگى – ت ا س س) ديپلوماتيالىق جانە قارجىلىق تۇرعىدان يراندى قالاي وقشاۋلاۋعا تىرىساتىنىن كورەسىز»، - دەدى اق ءۇيدىڭ بۇرىنعى قىزمەتكەرى گازەتكە.

يران پرەزيدەنتى ماسۋد پەزەشكيان بۇعان دەيىن مالىمدەگەندەي، تەگەران كورشىلەس جانە يسلام ەلدەرىمەن سەرىكتەستىكتى كەڭەيتۋگە نيەتتى جانە ول ءۇشىن امەريكانىڭ جاڭا كوشباسشىسى كىم بولاتىنى ماڭىزدى ەمەس. يران رەسەيدى كورشى مەملەكەتتەردىڭ ءبىرى دەپ سانايدى.

بۇعان دەيىن حابارلاعانىمىزداي، ا ق ش اكسيالارى ترامپ جەڭىسى جاريالانعاننان كەيىن كوتەرىلدى.