ا ق ش پەن قىتاي ساۋدا كەلىسىمىنە 3-4 اپتادا قول جەتكىزە الادى
استانا. KAZINFORM - پرەزيدەنت دونالد ترامپ بەيسەنبىدە ا ق ش ەلدەن يمپورتتالاتىن تاۋارلارعا باج سالىعىن ەنگىزگەننەن كەيىن قىتاي كەلىسسوزدەرگە كىرىسكەنىن ايتتى، دەپ حابارلايدى Kazinform ءتىلشىسى.
ا ق ش پرەزيدەنتى اق ۇيدە «ءبىز قىتايمەن كەلىسسوزدەر جۇرگىزىپ جاتىرمىز، ولار بىرنەشە رەت بايلانىسقا شىقتى» دەپ كەلىسسوزدەردىڭ قايتا باستالعانىن مالىمدەدى. ول ءسوزىن: «كەلىسىمگە شامامەن 3-4 اپتادا قول جەتكىزۋگە بولادى»، - دەپ جالعادى. بۇل تۋرالى Bloomingbit جازدى.
- ترامپ قىتايمەن ساۋدا ماسەلەسى شەشىلگەنشە TikTok كەلىسىمىن كەيىنگە قالدىراتىنىن ايتتى. ا ق ش- تىڭ قىتايلىق تاۋارلارعا باج سالىعى كوتەرىلمەۋى، ءتىپتى تومەندەۋى مۇمكىن، - دەپ حابارلادى The Economic Times.
ا ق ش پرەزيدەنتى بەيجىڭمەن كەلىسسوزدەرگە وپتيميستىك كوزقاراسپەن قاراپ، «قىتايمەن وتە جاقسى مامىلە جاسايمىز» دەدى. كۇنى كەشە ترامپ كەلىسسوزدەردى تاعى دا جوعارى باعالاپ، قىتايعا تاريفتەردى كوتەرۋدى جالعاستىرعىسى كەلمەيتىنىن، ءتىپتى تۇتىنۋشىلىق شىعىنداردى قورعاۋ ءۇشىن ولاردى تومەندەتۋدى قالاۋى مۇمكىن ەكەنىن جەتكىزدى. بۇل تۋرالى Yahoo Finance جازدى.
بۇعان دەيىن قىتاي ا ق ش تاۋارلارىنا باج سالىعىن 125 پايىزعا دەيىن كوتەرگەنىن حابارلاعان بولاتىنبىز.