ا ق ش پەن قىتاي جاساندى ينتەللەكت سالاسىندا كوشباسشى اتاندى

استانا. KAZINFORM - شاڭحايداعى جاساندى ينتەللەكت بويىنشا دۇنيەجۇزىلىك كونفەرەنسيادا قىتايدىڭ عىلىمي جانە تەحنولوگيالىق اقپارات ينستيتۋتى مەن بەيجىڭ ۋنيۆەرسيتەتى دايىنداعان جاساندى ينتەللەكت يننوۆاتسياسىنىڭ جاھاندىق يندەكسى تۋرالى بايانداما ۇسىنىلدى، - دەپ حابارلايدى تاسس.

بايانداما اۆتورلارى بەس كريتەري بويىنشا 46 ەلدى زەرتتەدى: نەگىزگى قولداۋ، دامۋ رەسۋرستارى مەن ورتاسى، عىلىمي جانە تەحنولوگيالىق زەرتتەۋلەر مەن ازىرلەمەلەر، ونەركاسىپ جانە يننوۆاتسيالاردى قولدانۋ، حالىقارالىق ىنتىماقتاستىق پەن قارىم-قاتىناس. ەلدەر 39 كورسەتكىش بويىنشا تالداندى، ولاردىڭ ءارقايسىسى ءۇش دەڭگەيلى جۇيە بويىنشا باعالاندى.

مالىمەتكە سايكەس، ا ق ش پەن قىتاي ج ي بويىنشا الەمدە ۇلكەن ايىرماشىلىقپەن كوش باستاپ تۇر. زەرتتەۋشىلەردىڭ ايتۋىنشا، ج ي چيپتەرىن، جوعارى بىلىكتى مامانداردى، جەتەكشى عىلىمي جۋرنالدارداعى ماقالالاردى جانە نەگىزگى ج ي مودەلدەرىن شىعاراتىن كومپانيالاردىڭ كوپشىلىگى وسى ەلدەردە.

ا ق ش 100 ۇپايدان 77,97، قىتاي 58,01، ۇلى بريتانيا 36,60 ۇپاي جينادى.

سونداي-اق العاشقى وندىققا جاپونيا (33,77)، كورەيا رەسپۋبليكاسى (33,48)، گەرمانيا (32,22)، سينگاپۋر (31,57)، فرانسيا (30,98)، كانادا (29,79) جانە ءۇندىستان (29,41) كىردى. رەسەي 17,49 ۇپايمەن 30-ورىنعا تۇراقتادى.

شاڭحايدا وتكەن دۇنيەجۇزىلىك جاساندى ينتەللەكت كونفەرەنسياسى بيىل 26-28-شىلدەدە وتەدى. ول 2018 -جىلدان باستاپ جىل سايىن وتكىزىلىپ كەلەدى. بۇل الاڭ شاڭحايدا جاساندى ينتەللەكت سالاسىنداعى ءىرى سالالىق كوشباسشىلاردى جينايدى. وعان ءىرى كومپانيالاردىڭ باسشىلارى، مەملەكەت قايراتكەرلەرى، عالىمدار مەن ساراپشىلار قاتىسادى. ولار ءوزارا بايلانىس ورناتادى جانە جاساندى ينتەللەكت تەحنولوگيالارىن دامىتۋ مەن قولدانۋدىڭ ودان ءارى جولدارىن تالقىلايدى.