ا ق ش مەكسيكامەن شەكارادا جاڭا قوسىمشا قابىرعا تۇرعىزىپ جاتىر

استانا. KAZINFORM – ا ق ش وڭتۇستىك-باتىس شەكاراسىندا مەكسيكامەن ەكى ەلدى ءبولىپ تۇرعان قازىرگى تەمىر قورشاۋدى كۇشەيتۋ ماقساتىندا جاڭا «قوسىمشا» قابىرعا سالۋعا كىرىستى، دەپ حابارلايدى Kazinform ءتىلشىسى BBC گە سىلتەمە جاساپ.

ۇزىندىعى شامامەن 7 ميل (11 شاقىرىم) بولاتىن قابىرعا نيۋ-مەكسيكو شتاتىندا بوي كوتەرىپ جاتىر جانە بۇل - شەكاراداعى «ماڭىزدى» ولقىلىقتاردى جابۋ مەن قاۋىپسىزدىكتى قامتاماسىز ەتۋ بويىنشا وپەراتسيالاردى جاقسارتۋ جوسپارىنىڭ ءبىر بولىگى ەكەنى ا ق ش كەدەن جانە شەكارا قىزمەتىنىڭ مالىمدەمەسىندە ايتىلعان.

ماۋسىم ايىندا ا ق ش- تىڭ ىشكى قاۋىپسىزدىك ءمينيسترى كريستي نوەم اريزونا مەن نيۋ-مەكسيكو شتاتتارىندا شامامەن 36 ميل (58 شاقىرىم) جاڭا شەكارالىق قابىرعا سالۋعا جاڭا رۇقسات بەرگەن بولاتىن.

بۇعان دەيىن ا ق ش- قا زاڭسىز بارعان ميگرانتتار كەپىلدىكپەن بوساتىلۋ مۇمكىندىگىن پايدالانا المايتىنى حابارلاندى.