ا ق ش كونگرەسى ۋاقىتشا بيۋجەتتى بەكىتتى

استانا. KAZINFORM – ا ق ش كونگرەسى ۇكىمەتتىڭ جۇمىسى اي سوڭىندا توقتاپ قالماس ءۇشىن 20-جەلتوقسانعا دەيىن ۋاقىتشا قارجىلاندىرۋدى كوزدەيتىن زاڭ جوباسىن ماقۇلدادى، دەپ حابارلايدى The Voice of America.

«سەناتتا ونى 78 ادام جاقتاپ، 18 قارسى داۋىس بەردى»، - دەپ جازدى اقپارات اگەنتتىگى.

بىرنەشە ساعات بۇرىن وكىلدەر پالاتاسىنىڭ 341 مۇشەسى قىسقا مەرزىمدى قارجىلاندىرۋدى ۇزارتۋدى قولداپ، 82 ادام قارسى داۋىس بەردى. سودان كەيىن قۇجات ا ق ش پرەزيدەنتى دجو بايدەنگە قول قويۋعا جىبەرىلەدى.

ءوز كەزەگىندە دجو بايدەن كونگرەستىڭ ەكى پالاتاسىنا ۇكىمەت جۇمىسىنىڭ قىمباتقا تۇسەتىن جابىلۋىن بولدىرمايتىن ەقوس پارتيالىق كەلىسىمى ءۇشىن العىس ءبىلدىردى.

«مەنىڭ اكىمشىلىگىم ا ق ش- تىڭ ۇلتتىق قورعانىسىنا، ارداگەرلەرگە، قارت ادامدارعا، بالالار مەن جۇمىس ىستەيتىن وتباسىلارعا قاراجاتتىڭ ءبولىنۋىن قامتاماسىز ەتۋ جانە امەريكا حالقىنىڭ شۇعىل قاجەتتىلىكتەرىن قاناعاتتاندىرۋ ءۇشىن كونگرەسپەن جۇمىس ىستەيتىن بولادى»، - دەدى پرەزيدەنت دجو بايدەن اق ءۇي تاراتقان مالىمدەمەدە.

ءبىز بۇعان دەيىن ەلدەردىڭ ا ق ش ۇكىمەتىنىڭ قارىزىنا نەلىكتەن ينۆەستيتسيا سالاتىنى تۋرالى جازعان بولاتىنبىز.