ا ق ش ۋكراينا كەلىسسوزىنەن شىعۋى مۇمكىن - مەملەكەتتىك دەپارتامەنت
استانا. KAZINFORM - مەملەكەتتىك دەپارتامەنتتىڭ باسپا ءسوز حاتشىسى تەممي بريۋستىڭ ايتۋىنشا، ا ق ش ۋكرايناداعى قاقتىعىستى رەتتەۋدەگى دەلدالدىق رولىن ساقتاپ قالۋى مۇمكىن. سوڭعى شەشىمدى ا ق ش پرەزيدەنتى دونالد ترامپ قابىلدايدى، دەپ حابارلايدى Kazinform مەنشىكتى ءتىلشىسى.
- قازىر ءبىز ەكى تاراپتىڭ دا وسى قاقتىعىستى قالاي توقتاتۋعا بولاتىنى تۋرالى ناقتى ۇسىنىستارىن ايتۋى كەرەك ۋاقىتتامىز. ارى قاراي قالاي ارەكەت ەتەتىنىمىز قازىر پرەزيدەنتكە تيەسىلى شەشىم. ەگەر ىلگەرىلەۋ بولماسا، ءبىز بۇل پروتسەستە دەلدال رەتىندە شەگىنەمىز، - دەپ حابارلادى مەملەكەتتىك دەپارتامەنتتىڭ باسپا ءسوز حاتشىسى تەممي بريۋس بريفينگتە.
- ول ەگەر ىلگەرىلەۋ بولماسا، وندا ءبىز، ارينە (بەيبىتشىلىك پروتسەسىن) قالدىرامىز دەدى. بۇل حاتشىنىڭ وتە انىق مالىمدەمەسى. بۇل ونىڭ ماعان جاقىندا عانا ايتقانى، - دەپ مالىمدەدى بريۋس ا ق ش مەملەكەتتىك حاتشىسى ماركو رۋبيوعا سىلتەمە جاساي وتىرىپ.
بۇعان دەيىن رەسەي سىرتقى ىستەر ءمينيسترى سەرگەي لاۆروۆ پۋتيننىڭ اتىستى ۋاقىتشا توقتاتۋ تۋرالى ۇسىنىسى رەسەيدىڭ كەلىسسوزدەرگە دەگەن ۇمتىلىسى دەپ مالىمدەگەنىن جازعان بولاتىنبىز.