استانا. KAZINFORM - ا ق ش پرەزيدەنتى دونالد ترامپ اكىمشىلىكتىڭ ورمۋز بۇعازى ارقىلى كەمەلەر ترانزيتىن جەڭىلدەتۋگە باعىتتالعان Project Freedom وپەراتسياسىن توقتاتا تۇراتىنىن مالىمدەدى، دەپ حابارلايدى ت ا س س اقپارات اگەنتتىگى.
بۇل شەشىم يرانمەن كەلىسىم بويىنشا كەلىسسوز جاقسى ءجۇرىپ جاتقانىن جانە كەلىسىمگە قول جەتكىزۋگە بولاتىنىن تانىتقان بەلگىلەر پايدا بولعانعا دەيىن قابىلداندى.
ونىڭ اتاپ وتۋىنشە، ا ق ش ءتيىستى سۇراۋدى «پاكىستان مەن باسقا ەلدەر» تاراپىنان العان.
- ءبىز تولىق بلوكادا ساقتالعان بولسا دا، كەلىسسوزدەردى اياقتاپ، كەلىسىمگە قول قويا الاتىنىمىزدى كورۋ ءۇشىن Project Freedom-دى (كەمەلەردىڭ ورمۋز بۇعازى ارقىلى ءوتۋى) قىسقا مەرزىمگە توقتاتامىز دەپ ءوزارا كەلىستىك، - دەپ جازدى ول Truth Social-دا.
وسىعان دەيىن ا ق ش ورمۋز بۇعازىندا كەمە قاتىناسىن قامتاماسىز ەتۋ ءۇشىن كواليتسيا قۇرۋدى ۇسىنعانىن جازدىق.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан