استانا. KAZINFORM - ا ق ش مەملەكەتتىك دەپارتامەنتى كەلەسى اپتادا اتىستى توقتاتۋدى تالقىلاۋ ءۇشىن يزرايل مەن ليۆان وكىلدەرى اراسىندا كەزدەسۋ وتكىزۋدى جوسپارلاپ وتىر، دەپ حابارلايدى ت ا س س .
اگەنتتىك بۇدان ارتىق مالىمەت بەرمەدى.
بۇعان دەيىن يزرايل پرەمەر-ءمينيسترى بينيامين نەتانياحۋ ليۆانمەن «حەزبوللا» ۇيىمىن قارۋسىزداندىرۋ جانە جانجالدى «تەزىرەك» شەشۋ تۋرالى تىكەلەي كەلىسسوزدەر جۇرگىزۋگە بۇيرىق بەرگەنىن مالىمدەگەن. Axios ءتىلشىسى باراك راۆيد بۇل كەلىسسوزدەر كەلەسى اپتادا ۆاشينگتوندا ءوتۋى مۇمكىن ەكەنىن حابارلادى.
ايتا كەتەيىك، ب ۇ ۇ باس حاتشىسى انتونيۋ گۋتەرريش سارسەنبى كۇنى ءيزرايلدىڭ سول كۇنى ليۆان اۋماعىنا جاساعان جاپپاي سوققىلارىن قاتاڭ ايىپتادى.
جالپى يزرايل تەك ليۆاندى بومبالاپ جاتقان جوق. سونداي-اق گازا سەكتورىنا دا شابۋىلىن جالعاستىرىپ جاتىر. سوڭعى 40 كۇننىڭ ىشىندە شابۋىلدار 36 رەت تىركەلگەن.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан