ا ق ش جوعارعى سوتى ترامپقا 500 مىڭ ميگرانتتى دەپورتاتسيالاۋعا رۇقسات بەردى
استانا. KAZINFORM - ا ق ش جوعارعى سوتى پرەزيدەنت دونالد ترامپتىڭ اكىمشىلىگىنە ۆەنەسۋەلا، گايتي، كۋبا جانە نيكاراگۋا ەلدەرىنەن كەلگەن 500 مىڭنان استام يمميگرانتقا زاڭدى مارتەبە بەرۋدەن باس تارتۋعا رۇقسات بەردى، دەپ حابارلايدى ت ا س س.
بۇل مارتەبە اتالعان ادامدارعا ا ق ش اۋماعىندا زاڭدى تۇردە بولۋعا مۇمكىندىك بەرەتىن، دەلىنگەن جوعارعى سوتتىڭ قاۋلىسىندا.
قۇجاتتا جوعارعى سوت ا ق ش اتقارۋشى بيلىگىنىڭ وسى باعدارلامانى توقتاتۋ تۋرالى ءوتىنىشىن قاناعاتتاندىرعانى ايتىلعان. اتالعان باعدارلاما 46-پرەزيدەنت دجو بايدەننىڭ اكىمشىلىگى كەزىندە ىسكە قوسىلعان ەدى.
بۇعان دەيىن تومەنگى ينستانتسيا سوتتارى ا ق ش بيلىگىنىڭ 532 مىڭ ميگرانتقا بەرىلگەن زاڭدى مارتەبەنى جويۋ ارەكەتىن قابىلداماي قويعان. ول كەزدە سوتتار ا ق ش- تىڭ ىشكى قاۋىپسىزدىك مينيسترلىگى ءاربىر جەكە ءىستى جەكەلەي تالداپ، قاجەت تەكسەرىس جۇرگىزبەدى دەپ ەسەپتەگەن. الايدا جوعارعى سوتتىڭ شەشىمى اۋعانستان مەن ۋكراينا سياقتى باسقا ەلدەردىڭ ازاماتتارىنا بەرىلگەن مارتەبەگە اسەر ەتپەيدى.
ۆەنەسۋەلا، گايتي، كۋبا جانە نيكاراگۋادان كەلگەن ميگرانتتار الدىن الا ا ق ش- قا كىرۋ ءۇشىن ءوتىنىش بەرىپ، ەكى جىلعا دەيىن جۇمىس ىستەۋگە رۇقسات الا الاتىن. ول ءۇشىن ا ق ش- تا كەپىلگەر تابۋى كەرەك بولاتىن. بۇل باعدارلامانى رەسپۋبليكالىق پارتيا وكىلدەرى قاتتى سىنعا العان.
بۇعان دەيىن ا ق ش جوعارعى سوتى ۆەنەسۋەلادان كەلگەن ميگرانتتاردى دەپورتاتسيالاۋدى ۋاقىتشا توقتاتقانى حابارلاندى.