ا ق ش شەكاراسىن كەسىپ ءوتۋ جاعدايلارى كۇرت ازايدى
استانا. KAZINFORM – ا ق ش- تىڭ شەكارا-كەدەن قىزمەتى شەكارانى كەسىپ ءوتۋدىڭ ەڭ تومەن كورسەتكىشى تىركەلگەنىن ءمالىم ەتتى، دەپ حابارلايدى Fox News.
ماۋسىم ايىندا شەكارانى 25228 رەت كەسىپ وتكەن. بۇل اگەنتتىك تىركەگەن ەڭ تومەنگى ايلىق كورسەتكىش. تەك وڭتۇستىك شەكارادا وتكەن ايدا 6072 ادام ۇستالدى، ول ناۋرىزدا تىركەلگەن الدىڭعى رەكوردتان تومەن. سونىمەن قاتار، 28-ماۋسىم كۇنى تاۋلىكتىك ۇستاۋ كورسەتكىشى بويىنشا ەڭ تومەنگى دەڭگەي تىركەلدى - بار بولعانى 136 جاعداي.
«زاڭسىز ءوتۋ ارەكەتتەرىنىڭ جولىن كەسۋدەن باستاپ فەنتانيلدى تاركىلەۋ مەن ميللياردتاعان دوللار كولەمىندەگى باج سالىعىن ەنگىزۋگە دەيىن – ا ق ش- تىڭ كەدەن جانە شەكارا قىزمەتى بارلىق باعىت بويىنشا ناتيجەلى جۇمىس ىستەپ جاتىر. قازىرگى اكىمشىلىك كەزىندە ءبىز ەلدى ەرەكشە تاباندىلىقپەن قورعاپ جاتىرمىز جانە بۇنى ءبىزدىڭ كورسەتكىشتەرىمىز دە راستاپ وتىر»، - دەدى ا ق ش- تىڭ كەدەن جانە شەكارا قىزمەتىنىڭ كوميسسارى رودني سكوتت سارسەنبى كۇنى تاراتىلعان باسپا ءسوز حابارلاماسىندا.
Fox News- جازۋىنشا، شەكاراداعى جاعداي تىنىشتالعانىمەن جاپپاي دەپورتاتسيالاۋ اياسىندا فەدەرالدى جانە كوشى-قون بيلىگىنە قارسى نارازىلىقتار مەن تارتىپسىزدىكتەر تىيىلماي تۇر.
وسىعان دەيىن ا ق ش- قا زاڭسىز بارعان ميگرانتتار كەپىلدىكپەن بوساتىلۋ مۇمكىندىگىن پايدالانا المايتىنى تۋرالى جازدىق.