اقپارات اگەنتتىگىنىڭ حابارلاۋىنشا، ا ق ش بارلاۋ قاۋىمداستىعى ساۋد ارابياسى يادرولىق قارۋ ازىرلەۋ مۇمكىندىگىنەن باس تارتپاعان دەگەن قورىتىندىعا كەلگەن. بۇل تۇجىرىم ا ق ش كونگرەسىنە ۇسىنىلعان قۇپيا قۇجاتتاردا كورسەتىلگەن.
بۇل باعالاۋ ا ق ش-تىڭ ءبىرقاتار زاڭ شىعارۋشىسىنىڭ الاڭداۋشىلىعىن تۋعىزدى. بۇعان ا ق ش پرەزيدەنتى دونالد ترامپتىڭ ساۋد ارابياسىنىڭ ازاماتتىق يادرولىق باعدارلاماسىن قولداۋ جونىندەگى كەلىسىمى سەبەپ بولىپ وتىر.
كەلىسىم امەريكالىق كومپانيالارعا ساۋد ارابياسىندا اتوم ەنەرگەتيكاسى سالاسىنداعى جوبالاردى جۇزەگە اسىرۋعا مۇمكىندىك بەرەدى.
باستاپقى كەلىسىم ۋراندى بايىتۋ دەڭگەيىن %5 دان تومەن كورسەتكىشپەن شەكتەيدى. الايدا كەيىنگى كەلىسىم ۋراندى %20 عا دەيىن بايىتۋعا رۇقسات بەرۋى مۇمكىن. بۇل دەڭگەيدە ۋراندى ودان ءارى وڭدەپ، قارۋ جاساۋعا جارامدى ساپاعا جەتكىزۋگە بولادى.