ا ق ش ب ۇ ۇ- نىڭ گازاداعى اتىستى توقتاتۋ تۋرالى قارارىنا ۆەتو قويدى

استانا. KAZINFORM - قۇراما شتاتتار ب ۇ ۇ قاۋىپسىزدىك كەڭەسىنىڭ گازا سەكتورىندا اتىستى دەرەۋ جانە ءسوزسىز توقتاتۋدى، كەپىلگە الىنعان بارلىق ادامداردى بوساتۋدى جانە گۋمانيتارلىق كومەكتى تولىق كولەمدە جەتكىزۋدى قايتا باستاۋدى تالاپ ەتەتىن قارارىنا ۆەتو قويدى، دەپ حابارلايدى The New York Times.

15 ورىندىق كەڭەستىڭ 10 تۇراقتى ەمەس مۇشەسى قاراردى داۋىسقا سالدى. كەڭەس پرەزيدەنت دونالد ترامپ قىزمەتىنە كىرىسكەننەن بەرى گازادا اتىستى توقتاتۋ تۋرالى قاراردى العاش رەت قاراستىردى.

قۇراما شتاتتار بۇل شاراعا قارسى داۋىس بەرگەن جالعىز مۇشە بولدى. كەڭەستىڭ قالعان 14 مۇشەسى، سونىڭ ىشىندە رەسەي دە قولداپ داۋىس بەردى. بۇل ۆاشينگتوننىڭ يزرايلدى ءسوزسىز قولداۋ ساياساتىنا بايلانىستى الەمدىك ارەنادا وقشاۋلانعانىن تاعى ءبىر مارتە اتاپ ءوتتى.

- ءبىز بۇل ءماتىن كەڭەستىڭ بارلىق مۇشەلەرىنىڭ گازاداعى سوعىس تەز ارادا اياقتالۋى، بارلىق كەپىلگە الىنعاندار دەرەۋ جانە ءسوزسىز بوساتىلۋى جانە گازا تۇرعىندارى اش قالماۋى جانە كومەككە تولىق جانە كەدەرگىسىز قول جەتكىزۋى كەرەك دەگەن كونسەنسۋستى بەينەلەيدى دەپ سانايمىز، - دەلىنگەن سلوۆەنيانىڭ ب ۇ ۇ- داعى ەلشىسى سامۋەل جبوگاردىڭ داۋىس بەرۋ الدىنداعى وتىرىسىندا وقىعان 10 تۇراقتى ەمەس مۇشەنىڭ بىرلەسكەن مالىمدەمەسىندە.

قاۋىپسىزدىك كەڭەسىنىڭ قارارىن قابىلداۋ ءۇشىن بەس تۇراقتى مۇشە – ۇلى بريتانيا، قىتاي، فرانسيا، رەسەي جانە ا ق ش- تىڭ توعىز داۋىسىنىڭ بولۋى جانە بىردە-ءبىر ۆەتو قويىلماۋى قاجەت.

2023 -جىلدىڭ 7 - قازانىندا حاماس- تىڭ يزرايلگە جاساعان شابۋىلىنان كەيىن سوعىس باستالعالى قۇراما شتاتتار كەڭەستىڭ اتىستى توقتاتۋعا شاقىراتىن ءتورت قارارىنا ۆەتو قويىپ، وتكەن جىلعى ماۋسىمدا وتكەن بىرىنەن قالىس قالدى.

ا ق ش- تىڭ ب ۇ ۇ- داعى وكىلىنىڭ مىندەتىن ۋاقىتشا اتقارۋشى دوروتي كاميللا شي يزرايلدىڭ ءوزىن-ءوزى قورعاۋعا قۇقىعى بار دەگەن ۆاشينگتوننىڭ مالىمدەمەسىن قايتالاپ، پالەستينالىقتاردىڭ ازاپ شەككەنى ءۇشىن حاماس- تى ايىپتادى. ول سوعىس توپتىڭ بەرىلگەن جاعدايدا اياقتالاتىنىن مالىمدەدى.

يزرايل سىرتقى ىستەر ءمينيسترى گيدەون ساار ا ق ش پرەزيدەنتى دونالد ترامپ پەن امەريكا اكىمشىلىگىنە قارار جوباسىنا ۆەتو قويعانى ءۇشىن العىس ءبىلدىردى.

- مەن پرەزيدەنت ترامپ پەن ا ق ش اكىمشىلىگىنە يزرايلمەن يىق تىرەسىپ، ب ۇ ۇ قاۋىپسىزدىك كەڭەسىندە ءبىرجاقتى قارارعا ۆەتو قويعانى ءۇشىن العىس ايتامىن، - دەپ مالىمدەدى ساار.

كەڭەس مۇشەلەرىنىڭ مالىمدەۋىنشە، قۇراما شتاتتار ب ۇ ۇ- نىڭ باسىم بولىگى ايەلدەر مەن بالالار بولعان 50 مىڭنان استام پالەستينالىق قازا تاپقان سوعىستى اياقتاۋ ارەكەتىنە توسقاۋىل قويىپ جاتقانىنان كوڭىلى قالعانىن مالىمدەدى.

بۇعان دەيىن جەكسەنبىدە گرەتا تۋنبەرگ پالەستينالىقتارعا كومەك جىبەرىلگەن كەمەمەن گازاعا شىققانىن جازعان بولاتىنبىز.

اۆتور

زارينا تۋعانبايەۆا