استانا. KAZINFORM - سيريا بيلىگى بۇعان دەيىن امەريكالىق كۇشتەر ورنالاسقان بارلىق اسكەري بازانى ءوز باقىلاۋىنا الدى. سوڭعى اسكەري كولوننا حاسەكە پروۆينتسياسىنداعى كاسراك اۋە بازاسىنان شىقتى، دەپ حابارلايدى Aljazeera .
وسىلايشا ا ق ش-تىڭ 2014 -جىلدان بەرى جالعاسىپ كەلە جاتقان اسكەري يسسياسى اياقتالدى.
نىسانداردى تاپسىرۋ ۇدەرىسى ۆاشينگتونمەن كەلىسىلگەن. بۇل پروتسەسس قاراشا ايىندا سيريا پرەزيدەنتى احمەد اش-شاراا مەن ا ق ش باسشىسى دونالد ترامپتىڭ كەزدەسۋىنەن كەيىن جەدەلدەي تۇسكەن.
كۇردتەردىڭ SDF قارۋلى قۇرىلىمدارى ەندى ۇلتتىق ارميا قۇرامىنا بىرىكتىرىلمەك. داماسك حاسەكە مەن كامىشلى قالالارىنا، سونداي-اق شەكارالىق ايماقتارعا باقىلاۋدى قايتا ورناتتى.
يراندى قولداۋشى توپتاردىڭ شابۋىلىنان ساقتانۋ ءۇشىن امەريكالىق اسكەرلەر يراك ارقىلى ەمەس، يوردانيا باعىتىمەن شىعارىلعان.
وسىعان دەيىن ا ق ش اسكەرى سيرياداعى ەڭ ءىرى بازاسىنان شىعارىلىپ جاتقانى تۋرالى جازدىق.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан