ا ق ش اسكەرى سيرياداعى قارۋ قويماسىن بومبالادى

استانا. KAZINFORM – ا ق ش قارۋلى كۇشتەرى سيرياداعى يران قولدايتىن سودىرلار توبىنىڭ قارۋ-جاراق قويماسىنا سوققى بەردى.

 بۇل سيريانىڭ سولتۇستىك-شىعىسىنداعى امەريكالىق بازاعا جاسالعان زىمىران شابۋىلىنان كەيىنگى ەكىنشى وپەراتسيا، دەپ حابارلايدى Kazinform-نىڭ مەنشىكتى ءتىلشىسى.

ا ق ش اسكەري كۇشتەرىنىڭ حابارلاۋىنشا، اۋە شابۋىلى شاددادي پاترۋلدىك بازاسىنا جاسالعان زىمىران شابۋىلىنا جاۋاپ رەتىندەگى بولعان. شابۋىل كەزىندە امەريكالىق نىساندارعا ەشقانداي زيان كەلمەگەن.

تاياۋ شىعىستا ورنالاستىرىلعان امەريكالىق كۇشتەرگە جاۋاپ بەرەتىن ا ق ش قارۋلى كۇشتەرىنىڭ وكىلدىگى بومبالانعان اۋماق «يرانمەن بايلانىستى توپتىڭ قارۋ-جاراق جانە لوگيستيكا قويماسىنىڭ شتاب- پاتەرى» دەپ ءتۇسىندىردى.

CENTCOM مالىمەتىنشە، اتى-ءجونى اتالماعان سودىرلار سيريانىڭ سولتۇستىك-شىعىسىنداعى حاسەكە پروۆينتسياسىنداعى ا ق ش- تىڭ شاددادي پاترۋلدىك بازاسىن زىمىرانمەن اتقىلاعان. سوققى نىسانعا زاقىم كەلتىرمەدى.

ۇلى بريتانيادا ورنالاسقان Syrian Observatory for Human Rights باقىلاۋ توبىنىڭ مالىمەتىنشە، ا ق ش- تىڭ اتالعان اۋە سوققىلارىنان يران قولدايتىن قارۋلى توپتاردىڭ 4 سيريالىق مۇشەسى قازا تاۋىپ، 10 ادام جاراقات الدى.

اۆتور

ەركەجان سماعۇلوۆا