ا ق ش 100 گە جۋىق ەلگە %10 باج سالىعىن ەنگىزەدى
استانا. KAZINFORM - قۇراما شتاتتار ۆاشينگتونمەن ادال ساۋدا كەلىسسوزىن جۇرگىزگەن ەلدەرگە %10 باج سالىعىن ەنگىزبەك. بۇل تۋرالى ا ق ش قارجى ءمينيسترى سكوتت بەسسەنت ءمالىم ەتتى، دەپ حابارلايدى رەسەيلىك ت ا س س.
- پرەزيدەنت ترامپ كەلىسسوزدەردى ادال جۇرگىزىپ جاتقان ەدەرگە قولداۋ كورسەتپەك. مەنىڭشە، باج سالىعىنىڭ تومەنگى دەڭگەيى قويىلاتىن ەلدەر سانى 100 گە جۋىقتايدى دەگەن ويدامىن، ءارى قاراي تاعى كورەرمىز، - دەدى ول Bloomberg TV ارناسىنا بەرگەن سۇحباتىندا.
بەسسەنتتىڭ پىكىرىنشە، 9-شىلدەگە دەيىنگى، ياعني ساۋدا كەلىسىمىن جاساۋعا بەرىلگەن ۋاقىتتىڭ قالعان ءبىر اپتاسىندا ا ق ش وزگە مەلەكەتتەرمەن كوپتەگەن كەلىسىمدەر جاسايدى دەۋگە بولادى.
2 - ءساۋىر كۇنى ا ق ش پرەزيدەنتى دونالد ترامپ 185 مەملەكەت پەن اۋماق ونىمدەرىنە كەدەن الىمدارى ەنگىزىلەتىنىن مالىمدەگەن بولاتىن. 10 پايىزدىق امبەباپ تاريفتەر 5 -ءساۋىر كۇنى، جەكە تاريفتەر 9 -ءساۋىر كۇنى كۇشىنە ەندى.
سول كۇنى ا ق ش پرەزيدەنتى قارىمتا سالىقتاردىڭ بولىگىنىڭ اتقارىلۋ مەرزىمىن 90 كۇنگە توقتاتتى. اق ءۇي ونى جۇرگىزىلۋى ءتيىس ساۋدا كونسۋلتاتسيالارىمەن بايلانىستى ەكەنىن ءمالىم ەتتى.
ال ازىرگە 10 پايىزدىق امبەباپ تاريف كۇشىندە. ترامپ 27 -ماۋسىم كۇنى ءبىر جارىم اپتا ىشىندە ا ق ش جەكە كەلىسىم جاسامايتىن ەلدەرگە حابار بەرىلەتىنىن ناقتىلاي كەتتى.