استانا. KAZINFORM - اعىمداعى جىلى قازاقستان رەسپۋبليكاسى اۋىل شارۋاشىلىعى مينيسترلىگى جەر رەسۋرستارىن باسقارۋ كوميتەتىمەن بىرلەسىپ، جەتىسۋ وبلىسىنىڭ كوكسۋ اۋدانىندا ورنالاسقان جەر قويناۋىن پايدالانۋشىعا جوسپاردان تىس تەكسەرۋ جۇرگىزدى.
«كوميتەتتىڭ اۋماقتىق دەپارتامەنت وكىلدەرىنىڭ تەكسەرۋ ناتيجەسى بويىنشا ج ش س- مەن مەملەكەت مەنشىگىندەگى كولەمى 1,92 گ ا جەر ۋچاسكەسىن ءوز بەتىنشە يەلەنىپ الۋ فاكتىسى انىقتالدى»، - دەلىنگەن حابارلامادا.
وسىعان بايلانىستى، قازاقستان رەسپۋبليكاسىنىڭ اكىمشىلىك قۇقىق بۇزۋشىلىق كودەكسىنىڭ 136 بابىنا سايكەس شارالار قابىلدانىپ، سومماسى 553 مىڭ تەڭگە كولەمىندە ايىپپۇل سالىندى جانە مەملەكەت كىرىسىنە ءوندىرىلدى.
قازىرگى ۋاقىتتا ءوز ەركىمەن باسىپ العان جەر ۋچاسكەسى بوساتىلدى جانە زاڭبۇزۋشىلىق جويىلدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.