ەۋرووداق رەسەيگە قاتىستى 9-سانكسيالار پاكەتىن ۇسىندى
9-سانكسيالار پاكەتىنە كىرەتىن ۇسىنىستاردى ە و- نىڭ اتقارۋشى بيلىگى، ەۋروپالىق كوميسسيا جاسادى.
«بىرىنشىدەن، ءبىز سانكسيالار تىزىمىنە تاعى 200-گە جۋىق جەكە جانە زاڭدى تۇلعالار قوسۋدى ۇسىنامىز. ونىڭ ىشىندە رەسەي قارۋلى كۇشتەرى، جەكەلەگەن وفيتسەرلەر مەن قورعانىس ونەركاسىبى كاسىپورىندارى، سونداي- اق مەملەكەتتىك دۋما دەپۋتاتتارى، فەدەراتسيا كەڭەسى، مينيسترلەر، گۋبەرناتورلار جانە ساياسي پارتيالار بار»، - دەدى ەۋروپالىق كوميسسيا ءتوراعاسى ۋرسۋلا فون دەر ليايەن.
سانكسيالارعا قوسارلى ماقساتتاعى دروندار مەن ولاردىڭ قۇرامداس بولىكتەرىن جەتكىزۋگە ەكسپورتتىق شەكتەۋلەر دە كىرمەك. بۇل شارالار ءوز كۇشىنە ەنگەنگە دەيىن ە و- نىڭ بارلىق 27 مۇشە مەملەكەتىمەن تالقىلانىپ، ماقۇلدانۋى ءتيىس.
ەسكە سالساق، 5- جەلتوقساننان باستاپ ەۋروپالىق وداقتىڭ تانكەرلەرمەن جەتكىزىلەتىن رەسەي مۇنايىنا تىيىم سالاتىن ەمبارگو كۇشىنە ەندى.
ەۋروپالىق وداق وسى ماۋسىم ايىندا رەسەي فەدەراتسياسىنا قارسى سانكسيالاردىڭ التىنشى پاكەتىن قابىلدادى. وندا 5- جەلتوقساننان باستاپ رەسەي مۇنايىن جانە 5- اقپاننان باستاپ مۇناي ونىمدەرىن تەڭىزگە جەتكىزۋ بويىنشا كەيىنگە قالدىرىلعان ەمبارگو قاراستىرىلعان.
اۆتور
زارينا تۋعانبايەۆا