بۇل تۋرالى قازاقستاندىق شاحماتشى، ايەلدەر اراسىنداعى حالىقارالىق گروسسمەيستەر، ازيا جانە الەم چەمپيونى دينارا ءسادۋاقاسوۆا باسپا ءسوز ءماسليحاتىندا ءمالىم ەتتى، دەپ حابارلايدى قازاقپارات ءتىلشىسى.
شاحمات فەستيۆالى ەرتەڭ، 16 - تامىزدا باستالادى. وعان 260 قاتىسۋشى تىركەلگەن. قازاقستاننان باسقا ا ق ش، نيدەرلاند، ليتۆا، ۋكراينا، تاجىكستان، وزبەكستان، بەلارۋس جانە رەسەي ەلىنىڭ ويىنشىلارى قاتىسادى. ماقسات - قازاقستاندا شاحمات ويىنىن دامىتۋ، سالاۋاتتى ءومىر سالتىن ناسيحاتتاۋ.
«تۋرنير ءتۇرلى ەلدەر مەن جاس وكىلدەرىنىڭ باسىن قوساتىن ەلەۋلى وقيعا بولادى دەپ ۇمىتتەنەمىز. ءىس-شارا اياسىندا ءاربىر شاحمات جانكۇيەرى ءوزىنىڭ كۇشىن «شايقاس الاڭىندا» تاجىريبە جۇزىندە سىناپ كورە الادى. فەستيۆالدىڭ بارلىق قاتىسۋشىسىنا تەك ساتتىلىك پەن جەڭىس تىلەيمىن»، - دەدى دينارا ءسادۋاقاسوۆا.
سونداي-اق قازاقستان-بريتان تەحنيكالىق ۋنيۆەرسيتەتىنەن جوبا اياسىندا باكالاۆريات پەن ماگيستراتۋراعا ارنايى گرانتتار بولىنەدى. ويىندى ونلاين رەجيمدە www.atyrauchessfestival.kz رەسمي سايتىنان كورۋگە بولادى.
ايتا كەتەيىك، حالىقارالىق دودانىڭ جۇلدە قورى 13 ميلليون تەڭگەدەن اسادى.