قاڭتار وقيعاسى بويىنشا ۇ ق ك جانە پوليتسيا باسشىلارىنا قاتىستى 9 ءىس قوزعالدى
17:30, 20 - ماۋسىم 2022
نۇر- سۇلتان. قازاقپارات - قاڭتار وقيعاسىنا بايلانىستى وبلىستىق پوليتسيا جانە ۇلتتىق قاۋىپسىزدىك كوميتەتتى دەپارتامەنتتەرىنىڭ باسشىلارىنا قاتىستى 9 قىلمىستىق ءىس قوزعالدى. بۇل تۋرالى ق ر باس پروكۋراتۋراسى 1-قىزمەت باستىعى سەرىك شالابايەۆ ايتتى، دەپ حابارلايدى قازاقپارات ءتىلشىسى.
«ارنايى پروكۋرورلار كۇش قۇرىلىمدارىنىڭ جەكەلەگەن باسشىلارىنا قاتىستى تەرگەۋدى جالعاستىرۋدا. 5-قاڭتاردا الماتى جانە جامبىل وبلىستارىنىڭ پوليسيا دەپارتامەنتتەرىنىڭ، سونداي- اق الماتى، قىزىلوردا جانە الماتى وبلىستارىنىڭ ۇلتتىق قاۋىپسىزدىك كوميتەتى دەپارتامەنتتەرىنىڭ باسشىلارى ءوز عيماراتتارىن قىزمەتتىك اتىس قارۋلارمەن بىرگە تاستاعانى بەلگىلى. ولاردىڭ بارلىعى كۇدىكتى دەپ تانىلدى. وسى فاكتىلەر بويىنشا 9 قىلمىستىق ءىس قوزعالدى»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.
اۆتور: مارلان جيەمباي ءتىلشى