اتىراۋلىق 9 جاسار قىز ەكىنشى مارتە الەم مودەلى اتاندى

اتىراۋ. قازاقپارات - اتىراۋلىق توعىز جاسار قىز ەكىنشى مارتە الەم مودەلى اتاندى، دەپ حابارلايدى قازاقپارات.

ءماريام يشانعاليەۆا قۇرمانعازى اۋدانىنداعى كوپتوعاي اۋىلىندا تۇرادى. بيىل توعىز جاسقا تولىپ، 3-سىنىپتى بىتىرگەن. بىلتىر دا «الەم مودەلى-2021» بايقاۋىنا قاتىسىپ، جەڭىمپاز اتانعان ەدى. اتالعان حالىقارالىق تالانتتار مەن سۇلۋلىق بايقاۋى رەسەي فەدەراتسياسىنداعى سوچي قالاسىندا ءوتتى. بايقاۋعا الەم ەلدەرىنەن 100 دەن استام ۇمىتكەر قاتىستى. قازاقستاننان قاتىسقان ءماريام يشانعاليەۆا ءبىرىنشى ورىنعا قوسا «الەمدىك مودەل-2022» تيتۋلىن جەڭىپ الدى. جەڭىمپاز قازاقستاندىققا «جەر شارىنىڭ سۇلۋى-2022» بايقاۋىنا شاقىرۋ تابىستالدى. بۇل بايقاۋ تامىز ايىندا ماسكەۋدە وتەدى. «ماريام قاتىسۋشىلاردىڭ كوپتىگىن كورگەندە، ءبىراز ۋايىمدادى. سەبەبى، ءوز ەلىندەگى ەڭ مىقتى مودەلدەر كەلدى عوي. بيىل ءماريام قازاقتىڭ ۇلتتىق كيىمىمەن ساحناعا شىقتى، ۇلتتىق كيىم ءماريانىڭ باعىن جاندىردى. قازىلار القاسىنىڭ مۇشەلەرى دە، فوتوگرافتار ماريامنىڭ وزىنە سەنىمدى بولعانىن اتاپ ءوتتى»، - ءديدى ارايلىم قارابالايەۆا.

بايقاۋ 4 كەزەڭمەن وتكەن. سونىڭ بارىندە دە ءماريام جوعارى بالل العان. ەندى ماريام يشانعاليەۆا قىركۇيەكتە تۇركيادا وتەتىن ءسان اپتالىعىنا شاقىرتۋ الدى. ال، قازان ايىندا دۋبايعا وسىنداي وسىنداي اپتالىققا بارادى.

«كىشكەنتاي كەزىنەن بيگە اۋەس بولدى. كەيىن جارنامالىق روليكتەرگە ءتۇستى. ءبىراق، مەكتەپتەگى ساباق ۇلگەرىمىن تومەندەتكەن جوق. جىل سايىن ۇزدىكتەر قاتارىنان كورىنىپ ءجۇر»، - دەيدى اناسى.

ەسكە سالا كەتەلىك، بۇدان بۇرىن اتىراۋلىق 8 جاسار قىز الەمنىڭ سۋپەرمودەلى اتانعانىن جازعان بولاتىنبىز.