نايزاعاي، بۇرشاق، داۋىل - 9-ماۋسىم كۇنگى اۋا رايى بولجامى
سوعان بايلانىستى اۋا رايىنىڭ قۇبىلمالى سيپاتى كۇتىلەدى: نايزاعاي، بۇرشاق، داۋىل، جاڭبىر. ەلىمىزدىڭ تەك شىعىسىندا جاۋىن- شاشىنسىز اۋا رايى قالىپتاسادى.
رەسپۋبليكا بويىنشا جەل كۇشەيىپ، وڭتۇستىك- باتىستا، وڭتۇستىكتە، سولتۇستىكتە شاڭدى داۋىل كوتەرىلەدى، دەپ حابارلايدى قازاقپارات قازگيدرومەتكە سىلتەمە جاساپ.
قوستاناي وبلىسىنىڭ سولتۇستىك- باتىسىندا، باتىسىندا نايزاعاي، بۇرشاق كۇتىلەدى. كۇندىز باتىستا، سولتۇستىكتە جەل 15-20 م/س جەتەدى. سولتۇستىك قازاقستان وبلىسىنىڭ سولتۇستىگىندە، باتىسىندا، شىعىسىندا جەل 15-20 م/س كۇشەيەدى، ەكپىنى 23 م/س ارتادى. تۇندە وبلىستىڭ شىعىسىندا نايزاعاي بولادى.
اقمولا وبلىسىنىڭ وڭتۇستىگىندە، شىعىسىندا نايزاعاي كۇتىلەدى. ءوڭىردىڭ وڭتۇستىگىندە، باتىسىندا، شىعىسىندا 15-20 م/س ەكپىنمەن جەل سوعادى. كۇندىز ءوڭىردىڭ وڭتۇستىگىندە شاڭدى داۋىل تۇرادى.
كۇندىز الماتى وبلىسىنىڭ تاۋلى اۋداندارىندا نايزاعاي ويناپ، جەل 15-20 م/س كۇشەيەدى. ماڭعىستاۋ وبلىسىنىڭ وڭتۇستىك- شىعىسىندا كۇن كۇركىرەيدى، كۇندىز سولتۇستىگىندە، وڭتۇستىك- شىعىسىندا شاڭدى داۋىل تۇرىپ، 15-20 م/س كۇشپەن جەل سوعادى.
كۇندىز جامبىل وبلىسىنىڭ تاۋلى اۋداندارىندا نايزاعاي، بۇرشاق، داۋىل كۇتىلەدى، وبلىستىڭ سولتۇستىك- شىعىسىندا، وڭتۇستىك- باتىسىندا، تاۋلى اۋدانداردا جەل 15-20 م/س ارتادى. تۇندە جانە تاڭەرتەڭ قىزىلوردا وبلىسىندا جەلدىڭ كۇشى 15-20 م/س ارتادى.
كۇندىز اقتوبە وبلىسىنىڭ سولتۇستىگىندە نايزاعاي كۇتىلەدى، ورتالىعىندا، باتىسىندا، سولتۇستىك- شىعىسىندا جەلدىڭ كۇشى 16 م/س قۇرايدى. كۇندىز اتىراۋ وبلىسىنىڭ باسىم بولىگىندە شاڭدى داۋىل تۇرىپ، 15-20 م/س ەكپىندە جەل تۇرادى.
كۇندىز باتىس قازاقستان وبلىسىنىڭ سولتۇستىك- باتىسىندا، وڭتۇستىك- شىعىسىندا جەلدىڭ جىلدامدىعى 15-20 م/س جەتەدى.
پاۆلودار وبلىسىنىڭ باتىسى مەن سولتۇستىگىندە نايزاعاي كۇتىلەدى، جەل 15-20 م/س كۇشەيەدى. كۇندىز تۇركىستان وبلىسىنىڭ تاۋلى اۋداندارىندا نايزاعاي ويناپ، داۋىل تۇرادى.
تاڭەرتەڭ جانە كۇندىز سولتۇستىكتە، باتىستا جانە وبلىستىڭ تاۋلى اۋداندارىندا 15-20 م/س جىلدامدىقتا جەل تۇرادى. سونداي-اق كۇندىز الماتى مەن جامبىل وبلىستارىندا، قاراعاندى وبلىسىنىڭ وڭتۇستىگىندە قاتتى ىستىق كۇتىلەدى.
بۇدان بولەك، قىزىلوردا وبلىسىنىڭ ورتالىعىندا، قاراعاندى وبلىسىنىڭ باتىسىندا، شىعىسىندا، الماتى وبلىسىنىڭ باتىسىندا، قوستاناي وبلىسىنىڭ وڭتۇستىگىندە، اقتوبە وبلىسىنىڭ شىعىسىندا توتەنشە ءورت قاۋپى ساقتالادى.