نايزاعاي، كۇشتى جەل، بۇرشاق: 9- مامىرعا ارنالعان اۋا رايى بولجامى
رەسپۋبليكانىڭ باتىسى مەن وڭتۇستىگىنە تسيكلون اسەر ەتەدى. وسىعان بايلانىستى نايزاعاي جارقىلداپ، كۇن جاۋىن-شاشىندى بولادى، ەلىمىزدىڭ باتىسىندا قاتتى جاڭبىر جاۋادى.
قازاقستان بويىنشا كەي جەرلەردە جەل كۇشەيەدى، شاڭدى داۋىل سوعىپ، باتىستا، وڭتۇستىكتە بۇرشاق جاۋادى.
الماتى وبلىسىنىڭ سولتۇستىگىندە جانە تاۋلى اۋداندارىندا جەل ەكپىنى 25 م/س دەيىن كۇشەيەدى.
تۇركىستان وبلىسىنىڭ سولتۇستىگىندە، باتىسىندا شاڭدى داۋىل، وبلىستىڭ سولتۇستىگىندە، باتىسىندا، تاۋلى اۋدانداردا جەلدىڭ كۇشى - 15-20، ەكپىنى - 25 م/س بولادى.
كۇندىز تاۋلى اۋدانداردا نايزاعاي جارقىلدايدى، داۋىل تۇرادى. باتىس قازاقستان وبلىسىنىڭ وڭتۇستىگىندە، شىعىسىندا نايزاعاي، بۇرشاق، داۋىل، شاڭدى داۋىل، كۇندىز وبلىستىڭ شىعىسىندا، ورتالىعىندا جەلدىڭ ەكپىنى - 15-20 م/س.
اتىراۋ وبلىسىنىڭ وڭتۇستىگىندە، شىعىسىندا كۇن كۇركىرەيدى، بۇرشاق جاۋادى. وبلىستىڭ شىعىسىندا جەلدىڭ ەكپىنى 15-20 م/س جەتەدى.
ماڭعىستاۋ وبلىسىنىڭ وڭتۇستىك-باتىسىندا، سولتۇستىگىندە، شىعىسىندا نايزاعاي، بۇرشاق، داۋىل، كۇندىز وبلىستىڭ باتىسىندا، وڭتۇستىگىندە شاڭدى داۋىل، وبلىستىڭ باتىسىندا، سولتۇستىگىندە، وڭتۇستىگىندە جەلدىڭ كۇشى - 17-22، ەكپىنى - 25 م/س.
اقتوبە وبلىسىنىڭ وڭتۇستىگىندە، سولتۇستىك-شىعىسىندا، ورتالىعىندا جەل جىلدامدىعى سەكۋندىنا 15-20 مەترگە جەتەدى.
تۇندە قوستاناي وبلىسىنىڭ باتىسىندا، وڭتۇستىگىندە، كۇندىز وبلىستىڭ باسىم بولىگىندە جەل - 15-20، ەكپىنى 25 م/س دەيىن كۇشەيەدى.
سولتۇستىك قازاقستان وبلىسىنىڭ باتىسىندا، كۇندىز پاۆلودار وبلىسىنىڭ وڭتۇستىگىندە سەكۋندىنا 15-20 م/س جىلدامدىقپەن جەل سوعادى.
قاراعاندى وبلىسىنىڭ باتىسىندا، سولتۇستىگىندە، شىعىسىندا جەل - 15-20، ەكپىنى 23-28 م/س جەتەدى.
شىعىس قازاقستان وبلىسىنىڭ باتىسىندا، وڭتۇستىگىندە، ورتالىعىندا جەلدىڭ كۇشى - 15-20، ەكپىنى - 25 م/س.
قىزىلوردا وبلىسىنىڭ سولتۇستىگىندە، باتىسىندا كۇن كۇركىرەيدى، داۋىل تۇرادى، وبلىس ورتالىعىندا شاڭدى داۋىل، جەلدىڭ ەكپىنى - 15-20 م/س.
جامبىل وبلىسىنىڭ تاۋلى اۋداندارىندا نايزاعاي وينايدى، بۇرشاق جاۋىپ، داۋىل سوعادى. وبلىستىڭ وڭتۇستىك-باتىسىندا سولتۇستىك-شىعىسىندا جانە تاۋلى اۋداندارىندا جەل قارقىنى 25 م/س دەيىن كۇشەيەدى.
اقمولا وبلىسىنىڭ باتىسى مەن وڭتۇستىك-شىعىسىندا شاڭدى داۋىل تۇرادى، جەلدىڭ كۇشى 15-20 م/س جەتەدى.
باتىس قازاقستان وبلىسىنىڭ وڭتۇستىگىندە، اقتوبە وبلىسىنىڭ سولتۇستىگىندە، ورتالىعىندا، پاۆلودار وبلىسىنىڭ ورتالىعىندا توتەنشە ءورت قاۋپى ساقتالادى.