ءۇش وبلىستا 9 جەل ەلەكتر ستانسياسى سالىنىپ جاتىر - ماعزۇم مىرزاعاليەۆ
«يندۋستريالاندىرۋ كارتاسىنىڭ وڭىرلىك جوبالارى ەكى نەگىزگى باعىت بويىنشا ەلىمىزدىڭ بەس وبلىسىندا شوعىرلانعان. مۇناي جانە گاز وڭدەۋ سالاسىندا 113 ميلليارد تەڭگە قۇرايتىن التى جوبا بار»، - دەدى م. مىرزاعاليەۆ.
ونىڭ ىشىندە: - اقتوبە وبلىسىندا 7,9 ميلليارد تەڭگە سوماسىنا ءتورت جوبا ىسكە اسىرىلۋدا. اتاپ ايتساق، مۇناي- حيميا رەاگەنتتەرىن ءوندىر، مونتاج كوبىگى، مينەرالدى ماقتا بويىنشا، سونداي-اق ىلەسپە گازدى قايتا وڭدەۋ جوبالارى. بۇل جوبالار بيىل ىسكە اسىرىلىپ بىتەدى. ناتيجەسىندە، 300 دەن استام جاڭا جۇمىس ورىنىن قۇرۋعا مۇمكىندىك بەرەدى.
- تۇركىستان وبلىسىندا 105 ميلليارد تەڭگە سوماسىنا ەكى جوبا ىسكە اسىرىلىپ جاتىر. بيىلدىڭ سوڭىنا دەيىن مۇناي ونىمدەرىن وندىرۋگە باعىتتالعان جوبا اياقتالادى دەپ كۇتىلۋدە. سونداي- اق، 2022 -جىلى موتور وتىنى مەن مۇناي- حيميا ونىمدەرىن دايىندايتىن زاۋىتتىن قۇرىلىسى جوسپارلانىپ وتىر. وسى جوبالاردى ىسكە اسىرۋدىڭ ناتيجەسىندە 400-دەن استام جاڭا جۇمىس ورنى پايدا بولادى.
«جاڭارتىلاتىن ەنەرگيا كوزدەرى سالاسىندا 87 ميلليارد تەڭگە سوماسىنا 10 جوبا جۇزەگە اسىرىلىپ جاتىر. جيىنتىق قۋاتى 170 م ۆ ت بولادى. اتاپ ايتساق، شىعىس قازاقستاندا، الماتى جانە قوستاناي وبلىستارىندا 9 جەل ەلەكتر ستانسياسى سالىنىپ جاتىر. ءبىر گيدروەلەكترو ستانسياسىنىڭ قۇرىلىسى الماتى وبلىسىندا جۇزەگە اسۋدا»، - دەدى مينيستر.
بۇدان بۇرىن حابارلانعانداي، ماعزۇم مىرزاعاليەۆ رەسپۋبليكالىق يندۋستريالاندىرۋ كارتاسىنىڭ جوبالارى تۋرالى باياندادى.