قازاقستاندا كوروناۆيرۋستىڭ تارالۋ يندەكسى 9 پايىزعا تومەندەدى - ۇكىمەت وتىرىسى
بۇل تۋرالى بۇگىن ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.
«1-تامىزدان باستان قازاقستانداعى كوروناۆيرۋستىڭ تارالۋ يندەكسى 9 پايىزعا، 1,11 دەن 1,01-گە دەيىن، نۇر-سۇلتان قالاسىندا كورسەتكىش 1 دەن، ال الماتىدا R سانى 19 پايىزعا تومەندەدى. كۇندەلىكتى مونيتورينگكە سايكەس وڭىرلەر شەگىندەگى توسەك- ورىن جۇكتەمەسى وسى جىلدىڭ 10-تامىزىنداعى جاعداي بويىنشا 328 مەديتسينالىق نىساندا 55658 ينفەكتسيالىق توسەك- ورىندى قۇرايدى. رەسپۋبليكا جويىندا جۇكتەمە 54 پايىزدى قۇراپ وتىر. ينفەكسيالىق ستاتسيونارلارداعى رەانيماتسيالىق توسەك- ورىن سانى 4 969-دى قۇرايدى، جۇكتەمە 45 پايىز»، - دەدى مينيستر. ونىڭ اتاپ وتۋىنشە، ەلدەگى ەپيدەميولوگيالىق احۋال ۋشىققان جاعدايعا ازىرلەنگەن تاعى 7419 ينفەكسيالىق توسەك- ورىن بار.
«ينفەكسيالىق توسەك- ورىنداردىڭ ەڭ جوعارى جۇكتەمەسى اتىراۋ وبلىسى مەن نۇر-سۇلتان قالاسىندا - 69 پايىز، اقتوبە وبلىسىندا - 65 پايىز، الماتى قالاسى مەن جامبىل وبلىسىندا - 63 پايىز»، - دەدى الەكسەي سوي.