بۇگىن سەۋلدەن الماتىعا گۋمانيتارلىق كومەكتىڭ العاشقى لەگى جىبەرىلدى. وسىلايشا كوروناۆيرۋسپەن ەكى ەل تىزە قوسىپ كۇرەسپەك. كورەيادان قازاقستانعا جىبەرىلەتىن گۋمانيتارلىق جۇك الدىمەن سەۋلدەگى ەلشىلىگىمىزگە كەلەدى. مۇندا كومەك جىبەرۋشىلەردى قازاقستان ەلشىسىنىڭ ءوزى قارسى الادى. ديپلوماتتار كومپانيانىڭ ءار وكىلىمەن كەلىسسوزدەر جۇرگىزىپ، ولاردى ماراپاتتايدى. العىس حاتتار العانداردىڭ ءبىرى - زياتكەرلىك ءبىلىم بەرۋ ينستيتۋتىنىڭ باسشىسى.
پروفەسسور دجو گيۋ يۋن قازاقستاندا سىبايلاس جەمقورلىققا قارسى كۇرەس تۋرالى دارىستەر وقىدى.
دجو گيۋ يۋن، زياتكەرلىك ءبىلىم بەرۋ ينستيتۋتىنىڭ پرەزيدەنتى:
- ءبىز جەكە مەكەمە بولعاندىقتان، گۋمانيتارلىق كومەك جىبەرۋدى ۇيىمداستىرۋ وڭاي بولعان جوق. ءبىز كوپتەگەن ۇيىمدارمەن جانە فارماتسيەۆتيكالىق كومپانيالارمەن بايلانىس ورناتتىق. كوروناۆيرۋستان ادام السىرەيدى، سوندىقتان كومەككە ۆيتاميندەر مەن قورەكتىك زاتتار كىرەدى. سىزدەردىڭ كوروناۆيرۋستى جەڭگەندەرىڭىزدى قالايمىن جانە مەن قازاقستانعا بارىپ، ستۋدەنتتەرمەن كەزدەسەمىن. كەلىسسوزدەر بارىسىندا فارماتسيەۆتيكالىق فيرما وكىلدەرى قازاقستاندا بىرلەسكەن ءوندىرىس ورنىن اشۋ ماسەلەلەرىن تالقىلادى. الپىس جىلدىق تاريحى بار كومپانيا بالالاردى ەمدەۋگە ارنالعان ءدارى- دارمەكتەر شىعارادى.
چون دجە گۆان، فارماتسيەۆتيكالىق كومپانيا پرەزيدەنتى:
- ءبىز قازاقستاندا بالالارعا ارنالعان ۆيرۋسقا قارسى پرەپاراتتاردىڭ جەتىسپەۋشىلىگى بار دەپ ەستىدىك، سوندىقتان كومەكتەسۋ تۋرالى شەشىم قابىلدادىق. گۋمانيتارلىق كومەكتىڭ ىشىندە ءبىز شىعاراتىن سيروپ بار. وڭتۇستىك كورەيادان قازاقستانعا ىندەتتەن قورعايتىن جۇزدەگەن كوستيۋم جانە بىرنەشە توننا مەديتسينالىق قۇرالدار، بەتپەردە جانە ءدارى- دارمەك جىبەرىلەدى. گۋمانيتارلىق كومەكتىڭ جالپى كولەمى توعىز تونناعا جۋىق. وسىنداي جۇكتى قازاقستانعا جىبەرۋ ءۇشىن بىرنەشە رەيس قاجەت. قازاقستاندىق اۆياكومپانيانىڭ سەۋل مەن الماتى اراسىنداعى رەيستەرىنىڭ سانى اپتاسىنا ءبىر رەيسكە ازايتىلدى. ءقازىر كورەياداعى ەلشىلىگىمىز اۆياكومپانيالارمەن گۋمانيتارلىق جۇكتەردى جەتكىزۋ جونىندە كەلىسسوزدەر جۇرگىزۋدە. ال بۇگىن قازاقستانعا سالماعى ەكى جارىم توننا ءدارى- دارمەكتەر پەن قورعانىس قۇرالدارى جىبەرىلدى.