تولىق ءبىلىم بەرۋ گرانتىن نارگيزگە Hong Kong Baptist University جانە Lawrence University ۇسىنىپ وتىر. سونداي- اق، زياتكەرگە التى امەريكالىق جوعارى وقۋ ورىندارى جەڭىلدىك بەرۋگە دايىن. نارگيزدىڭ پورتفوليوسى حيميا پانىنەن رەسپۋبليكالىق، جەلىلىك وليمپيادالاردىڭ جۇلدەلى ورىندارى مەن مەدالدارىنا، سونداي- اق عىلىمي بايقاۋلارداعى جەتىستىكتەرگە تولى.
«مەن بارلىق جەردە Chemical Engineering فاكۋلتەتىن تاڭدايمىن. حيمياعا دەگەن ماحابباتتى مەندە 10 سىنىپتا مىقتى ۇستاز زاۋرە ءدىلمانوۆا وياتتى. ۇستازىم مەنى وليمپياداعا جانە عىلىمي جوبالارعا قاتىسۋعا انتالاندىردى. زياتكەرلىك مەكتەبىندەگى ۇستازدارىمنىڭ ارقاسىندا مەن وسىنداي جەتىستىككە قول جەتكىزدىم. حيميا سالاسىنىڭ كەلەشەگى زور. مەن ەلىمىزدە وسى باعىتتا وندىرىستەردى دامىتۋعا ات سالىسامىن» ، - دەيدى نارگيز.
ايتا كەتەرلىگى، بولاشاق تۇلەك UNESCO كلۋبىنىڭ بەلسەندى قاتىسۋشىسى رەتىندە UNESCO جانە Model United Nation ون شاقتى سەسسياسىنا زياتكەرلىك مەكتەپتىڭ اتىنان قاتىسىپ، ۇزدىك سپيكەر جانە ۇزدىك دەلەگات اتاعىنا يە بولعان.