شىمكەنت. قازاقپارات - شىمكەنتتە كوروناۆيرۋس جۇقتىرعان 9 ادامنىڭ بارلىعى قالا تۇرعىندارى.
بۇل تۋرالى قازاقپارات توتەنشە جاعدايدى قامتاماسىز ەتۋ جونىندەگى مەملەكەتتىك كوميسسيانىڭ جەدەل شتابىنا سىلتەمە جاساپ حابارلايدى.
جەدەل شتاب تاراتقان مالىمەتتەرگە قاراعاندا، اۋرۋ جۇقتىرعاندار شىمكەنت قالاسىنىڭ تۇرعىندارى. ولار كوروناۆيرۋس ينفەكسياسىن جۇقتىرعان ادامدارمەن قارىم-قاتىناستا بولۋىنا بايلانىستى كارانتيندىك ستاتسيونارعا جاتقىزىلىپ، زەرتحانالىق سىناما الىنعان.
«پ ت ر دياگنوستيكالىق زەرتتەۋ قورىتىندىسىمەن COVID-19 دياگنوزى ناقتىلاندى. قازىرگى تاڭدا ناۋقاستاردىڭ جاعدايلارى قاناعاتتانارلىق. بەكىتىلگەن حاتتاماعا سايكەس ءتيىستى ەم جۇرگىزىلۋدە. ناۋقاستارمەن قارىم- قاتىناستا بولعان ادامدار انىقتالىپ، بارلىعى مەديتسينالىق باقىلاۋعا الىنۋدا. اۋرۋ وشاقتارىندا ەپيدزەرتتەۋ، دەزينفەكتسيالىق جۇمىستار جۇرگىزىلىپ جاتىر»، - دەلىنگەن حابارلامادا. ايتا كەتەيىك، بۇگىنگى تاڭدا شىمكەنتتە قاۋىپتى ۆيرۋستى جۇقتىرعاندار سانى 80 ادام، 12 ادام اۋرۋدان قۇلان-تازا ايىعىپ كەتتى.