ەلوردانىڭ 9 جاسار تۇرعىنى حالىقارالىق سۇلۋلىق بايقاۋىندا جەڭىسكە جەتتى
20:06, 13 - مامىر 2019
نۇر- سۇلتان. قازاقپارات - ەلوردانىڭ 9 جاستاعى ءتۇرعىنى ازات اناجان- حانىم Little Miss Mister Universe 2019 حالىقارالىق بايقاۋىنىڭ گران- ءپريىن جەڭىپ الدى، دەپ حابارلايدى قازاقپارات ءتىلشىسى.
ازات اناجان- حانىم نۇر- سۇلتان قالاسىندا №81 ورتا مەكتەپتىڭ 3-سىنىبىندا وقيدى.
ۇيىمداستىرۋشىلاردىڭ مالىمەتىنشە، سۇلۋلىق بايقاۋى گرۋزيانىڭ تبيليسي جانە باتۋمي قالالارىندا وتكەن.
حالىقارالىق بايقاۋعا اۆستراليا، فيلليپين، تايلاند، رۋمىنيا، نيدەرلاندى، ۆەتنام، ءۇندىستان، ت م د، ورتا ازيا، افريكا مەن لاتىن امەريكاسى مەملەكەتتەرىنەن، جالپى الەمنىڭ 35 ەلىنەن وكىل قاتىسقان.