سونداي- اق جۋرناليستەرگە سامميتكە دايىندىق بارىسى ويداعىداي ءوتىپ جاتقانى حابارلاندى. بۇل تۋرالى BBC اقپاراتتىق اگەنتتىگى جازدى.
اق ءۇيدىڭ سپيكەرى سارا ساندەرس سولتۇستىك كورەيا يادرولىق قارۋدان تولىق باس تارتپايىنشا، ا ق ش تاراپىنان سالىنعان سانتسيالار ءوز كۇشىندە قالا بەرەتىنىن ايتتى. دەگەنمەن دونالد ترامپ سولتۇستىك كورەيانى كەلىسسوزدەر ۇستەلىنە اكەلۋگە ماجبۇرلەۋ ءۇشىن بارىنشا قىسىم كورسەتۋ تۋرالى تاپسىرما بەرگەن بولاتىن. جۋىردا ول بۇل ءسوزدى ءارى قاراي قولدانعىسى كەلمەيتىنىن، قوس تاراپتىڭ قارىم- قاتىناسى رەتتەلە باستاعانىن ايتتى. ال ۆاشينگتونعا ارنايى كەلگەن سولتۇستىك كورەيانىڭ رەسمي وكىلىمەن كەزدەسۋدە دونالد ترامپ كورەي ۇلتتىق دەموكراتيالىق رەسپۋبليكاسى ىنتىماقتاستىققا اشىق مەملەكەتكە اينالىپ كەلە جاتقانىن ەرەكشە اتاپ ءوتىپ، جاڭادان سانكسيالار سالمايتىنىن مالىمدەدى.
دونالد ترامپقا حات جولداعان جەتى دەموكرات پرەزيدەنتتەن سولتۇستىك كورەيانىڭ يادرولىق قارۋدان باس تارتۋ بويىنشا ناقتى ءىس- قيمىلعا كوشەتىنىنە كوز جەتكىزبەي تۇرىپ، وعان قارسى ەنگىزىلگەن سانكسيالار باس تارتۋ «ناشار كەلىسىم» بولاتىنىن ەسكەرتتى.
دينارا تىلەۋبەك
«ايقىن»