استانا اۋەجايىندا 9 رەيس كەشىكتىرىلۋدە، تاعى ەكەۋى مۇلدەم ورىندالمايتىن بولدى
10:16, 10 - جەلتوقسان 2017
استانا. قازاقپارات - استانادا «نۇرسۇلتان نازاربايەۆ حالىقارالىق اۋەجايىندا» 9 اۋە رەيسى كەيىنگە قالدىرىلىپ، تاعى ەكەۋى مۇلدەم ورىندالمايتىن بولدى، دەپ حابارلايدى قازاقپارات ءتىلشىسى.
ەلوردالىق اۋەجايدىڭ ونلاين-تاقتاسىنداعى مالىمەتكە سايكەس استانا ۋاقىتىمەن 02:03، ۇشىپ شىعۋ جانە ۇشىپ كەلۋ بويىنشا كەلەسى رەيستەر كەشىكتىرىلەدى: اقتوبەدەن Bek Air Z9 2014, الماتىدان Scat DV 734, ىستانبۇلدان Air Astana KC 918, بەيجىڭنەن Air Astana KC 228, شىمكەنتتەن Qazaq Air IQ 388, الماتىدان Qazaq Air IQ 357, الماتىعا Qazaq Air IQ 358, الماتىعا Qazaq Air IQ 354, جەزقازعانعا Qazaq Air IQ 389.
كەشىگۋ ۋاقىتى 20 مينۋتتان 12 ساعاتقا دەيىن سوزىلۋى مۇمكىن.
ال الماتىدان ۇشىپ كەلەتىن Air Astana KC 641 جانە كەرىسىنشە، الماتىعا ۇشىپ شىعاتىن KC 632 رەيسى مۇلدەم ورىندالمايتىن بولدى.