ۇلى قازاق جازۋشىسى، قوعام قايراتكەرى، عالىم، ۇلتتىق عىلىم اكادەمياسىنىڭ العاشقى اكادەميگى، فيلولوگيا عىلىمدارىنىڭ دوكتورى، پروفەسسور مۇحتار ومارحان ۇلى اۋەزوۆ سەمەي، تاشكەنت، لەنينگرادتا وقىپ جۇمىس جاسادى.
1930-جىلى الماتىعا كوشىپ كەلدى. سول كەزەڭدەگى قالانىڭ تاعدىرى مەن ءومىرى «الماتى كۇنى» اتتى شىعارماسىندا سيپاتتالدى.
بۇگىندە جازۋشىلارعا ارنالعان تولەبايەۆ كوشەسىندەگى 185-ءۇي الماتىداعى قازاق مادەنيەتىنىڭ ەرەكشە بويتۇمارىنداي ورتالىقتاردىڭ بىرىنە اينالدى. ءدال وسى جەردە ول ءوزىنىڭ اتاقتى «اباي جولى» رومانىن اياقتاپ ءبىتىردى.
جاقىندا اكىمدىكتىڭ قولداۋىمەن ەسكەرتكىش ءۇي-مۋزەي جوندەۋ جۇمىستارىنان ءوتتى.
«بولاشاققا باعدار: رۋحاني جاڭعىرۋ» باعدارلاماسىندا ەلباسى ءوزىمىزدىڭ رۋحاني مادەنيەتىمىزدى، ءتىلىمىز بەن ادەبيەتىمىزدى ساقتاۋ كەرەكپىز دەپ اتاپ ايتقان ەدى. مۇحتار اۋەزوۆتىڭ قالامى - قازاق كلاسسيكالىق ادەبيەتىنىڭ ەڭ ۇزدىك مىسالىنا جانە بولاشاق بۋىننىڭ تاۋسىلماس شابىتىنا اينالدى»، - دەدى الماتى اكىمى باۋىرجان بايبەك.
سيمپوزيۋم بارىسىنا قازاقستاننىڭ بەدەلدى عالىم-فيلولوگتارى قازاق ادەبيەتىنىڭ ۇلى كلاسسيگىنىڭ شىعارماشىلىق جانە عىلىمي مۇرالارى جونىندە جانە ونىڭ زاماناۋي عىلىم مەن ادەبيەتتە الار ورنى تۋرالى ءسوز قوزعادى. ءىس-شاراعا ا ق ش، گوللانديا، رەسەي، بەلارۋس، وزبەكستان، قىرعىزستان، ۇلى بريتانيا، تۇركيا جانە تاعى دا باسقا ەلدەردەن ادەبيەتتانۋشى عالىمدار قاتىستى.
اۆتور: گۇلميرا عوسمانالي