ينتەرنەتكە ديماشتىڭ بايقاۋدىڭ 9-كەزەڭىندە ورىنداعان ءانى جۇكتەلدى
21:21, 18 - ناۋرىز 2017
استانا. قازاقپارات - قىتايدىڭ حۋنان تەلەارناسىندا «Singer 2017» بايقاۋىنىڭ توعىزىنشى كەزەڭى ەفيردەن كورسەتىلدى، دەپ حابارلايدى قازاقپارات.
بايقاۋعا قاتىسىپ جاتقان قازاقستاندىق ديماش قۇدايبەرگەن بۇل كەزەڭدە «All by Myself» انىمەن ءۇشىنشى بولىپ ونەر كورسەتىپ، ەكىنشى ورىننان كورىندى. جوباعا ەندى عانا قوسىلعان قىتايلىق ءانشى ليان بو قاجەتتى داۋىس جيناي الماي، كەلەسى كەزەڭگە وتپەي قالدى.
ەسكە سالا كەتەيىك، ديماش بايقاۋدىڭ 10 كەزەڭنەن تۇراتىن ىرىكتەۋ باسەكەلەرىنەن سۇرىنبەي ءوتتى. 16 - ناۋرىز كۇنى 10- كەزەڭنىڭ الدىن الا ءتۇسىرىلىمى ءوتتى. وندا جاس تالانتىمىز «ۇمىتىلماس كۇن» ءانىن قازاق جانە قىتاي تىلدەرىندە ورىنداپ، ءۇشىنشى ورىندى يەلەندى.
ايتا كەتەيىك، د. قۇدايبەرگەن 9-ىنشى جانە 10- كەزەڭدەردىڭ قورىتىندىسى بويىنشا ءبىرىنشى ورىننان كورىندى. بايقاۋدىڭ باستاپقى ءانشىسى رەتىندە ديماش جۇباتۋ باسەكەسىنە قاتىسپاي، ەكى كەزەڭنەن تۇراتىن فينالعا جولداما الدى.
اۆتور: مۇحتار قاليموللا ۇلى