وڭتۇستىك كورەيادا كەزەكتەن تىس پرەزيدەنت سايلاۋى 9- مامىرعا بەلگىلەندى
وڭتۇستىك كورەيانىڭ ىشكى ىستەر ءمينيسترى حون يۋن سيك وڭتۇستىك كورەيا ۇكىمەتى كەزەكتەن تىس پرەزيدەنت سايلاۋىن 9- مامىر كۇنى وتكىزۋ تۋرالى شەشىم قابىلداعانىن مالىمدەدى.
ەسكە سالا كەتەيىك، 9- جەلتوقساندا وڭتۇستىك كورەيا پارلامەنتى پرەزيدەنت پاك كىن حەنى قىزمەتىنەن بوساتۋدى قولداپ، داۋىس بەردى.
اراعا 10 كۇن سالىپ، وسى ىسكە قاتىستى العاشقى سوت وتىرىسى ءوتتى. كونستيتۋتسيالىق سوت يمپيچمەنتتى قۇپتادى.
وڭتۇستىك كورەيا باسشىسىنىڭ اينالاسىنداعى داۋ-جانجال ونىڭ مەملەكەتتىك قىزمەتكە قاتىسى جوق قۇربىسى چحۆە سۋن سيلمەن بايلانىستى.
بۇل ونىڭ مەملەكەتتىك ساياساتقا ىقپال ەتەتىندىگىن بىلدىرەدى. بۇدان باسقا، چحۆە ءىرى وڭتۇستىك كورەيالىق كورپوراتسيالاردان قارجى الىپ، ءوزىنىڭ كوممەرتسيالىق ەمەس قورلارىنا اۋداردى دەگەن كۇدىككە ىلىنگەن. پروكۋراتۋرا پرەزيدەنتتىڭ بۇل قىلمىستىق ارەكەتكە قاتىسى بار دەپ ەسەپتەيدى.