بولۋى ىقتيمال داتا رەتىندە 9- مامىر اتالىپ وتىر، دەپ جازدى «روسسييسكايا گازەتا». داۋىس بەرۋگە سەگىز سوت قاتىسادى. ەگەر ونىڭ التاۋى نەمەسە ودان دا كوبى يمپيچمەنتتى قولداسا، پرەزيدەنت پاك تەز ارادا بيلىكتەن الاستاتىلىپ، مەرزىمنەن تىس سايلاۋ تاعايىندالادى.
ەگەر ءۇش جانە ودان دا كوپ سوت يسپيچمەنتكە قارسى شىقسا، پاك ءوز مىندەتتەرىنە قايتا كىرىسەدى. ال پرەزيدەنتتىك سايلاۋ بۇرىن جوسپارلانعانداي - 2017-جىلدىڭ 20- جەلتوقسانىندا ءوتىپ، پرەزيدەنت مەرزىمى 2018-جىلدىڭ اقپان ايىندا اياقتالادى.
سوڭعى ساۋالناماعا سايكەس، كارىستەردىڭ 77 پايىزى پاك كىن حەنىڭ مەرزىمىنەن بۇرىن بيلىكتەن كەتۋىن تالاپ ەتۋدە.
كونستيتۋتسيالىق سوتتىڭ يسپيچمەنتتى قولداۋى ىقتيمال ەكەنىن ەسكەرگەن وڭتۇستىك كورەيالىق ب ا ق مەرزىمنەن تىس وتەتىن پرەزيدەنتتىك سايلاۋدىڭ قاي كۇنى بولۋى مۇمكىن ەكەنىن بولجاۋدا.
زاڭعا سايكەس، بۇل پرەزيدەنت قىزمەتىنەن كەتكەننەن كەيىن 60 كۇن ىشىندە ءوتۋى ءتيىس. ونداي جاعدايدا ەكى كۇنتىزبەلىك ەسەپ بويىنشا، مەرزىمنەن تىس پرەزيدەنتتىك سايلاۋ 9- مامىردا ءوتۋى ىقتيمال.