قازاقستاندا ومىرگە كەلەتىن ءاربىر 9- ءسابي الماتى پەرزەنتحانالارىندا تۋادى
00:07, 25 - اقپان 2017
الماتى. قازاقپارات - ەلىمىزدە ومىرگە كەلەتىن ءاربىر 9- ءسابيدىڭ كىندىگى الماتى پەرزەنتحانالارىندا كەسىلەدى، دەپ حابارلايدى «قازاقپارات» ءتىلشىسى الماتى قالاسى دەنساۋلىق ساقتاۋ باسقارماسى كەڭەيتىلگەن القا كەڭەسى وتىرىسىنىڭ قورىتىندىسى بويىنشا.
«الماتى - ەلىمىزدەگى حالىق كوپ شوعىرلانعان الىپ شاھار. ەلىمىزدە ومىرگە كەلەتىن ءاربىر 9- ءسابيدىڭ كىندىگى الماتى پەرزەنتحانالارىندا كەسىلەدى. 2016 -جىلى 43 مىڭ نارەستە تۋسا، ونىڭ 5-ەۋى ۇشەم، 532- ءسى - ەگىزدەر. ياعني، الماتى پەرزەنتحانالارىندا تاۋلىگىنە 100-دەن استام انا بوبەگىن باۋىرىنا باسادى»، دەلىنگەن حابارلامادا.
سونىمەن قاتار، دەنساۋلىق ساقتاۋ باسقارماسى باسپا ءسوز قىزمەتىنىڭ مالىمدەۋىنشە، الماتىدا قىزمەت كورسەتۋ نارىعىندا باسەكەگە قابىلەتتىلىكتى دالەلدەي العان قالانىڭ دەنساۋلىق ساقتاۋ سالاسىندا يننوۆاتسيالىق دامۋ قارقىنى تۇراقتى ارتىپ كەلەدى.
اۆتور: الماس مۇقاش ۇلى