بۇرىن حابارلانعانداي، س ي ز و-50 باس بوستاندىعىنان ايىرۋ ورنىنان قاشقان 9 قىلمىسكەردىڭ بەسەۋىن ءىزىن سۋىتپاي ۇستاۋ مۇمكىن بولدى.
شامامەن ساعات 1 دە شۋ وبلىسىنداعى ق ءى ءى ب ج پ ق قىزمەتكەرلەرى لەنينسكي اۋىلىندا تۇسپالداۋ بويىنشا بەرىلگەن كولىككە ۇقساس Toyota Estima ماركالى كولىگىن بايقاپ، ونى توقتاتپاق بولدى.
كولىك جۇرگىزۋشىسى ج پ ق ينسپەكتورلارىنىڭ توقتاۋ تالاپتارىنا باعىنبادى.
جول- پاترۋلدىك قىزمەتكەرلەرى ەسكەرتۋ رەتىندە اۋەگە ەكى رەت وق اتقان. ءبىراق ارەكەتتەرى ەلەنبەگەن سوڭ، ج پ ق قىزمەتكەرلەرىنە تابەلدىك تاپانشادان كولىك دوڭگەلەكتەرىنەن اتۋعا تۋرا كەلدى.
ماشينانىڭ ىشىندە شامامەن 9 ادام وتىرعان، ولاردىڭ بىرنەشەۋى، سونىڭ ىشىندە جۇرگىزۋشىسى جان-جاققا قاشىپ كەتتى، كۇدىكتى بەس ازاماتتى وقيعا ورنىندا ۇستاۋ مۇمكىن بولدى. كولىك سالونىنىڭ ىشىندە تۇرمەدەن قاشۋ كەزىندە ءتارتىپ ساقشىسىنىڭ وعىنان جاراقاتتانعان سوتتالۋشى جاتقان. تەكسەرۋ كەزىندە ۇستالعان تۇلعالاردان قادايتىن- كەسەتىن زاتتار انىقتالىپ، الىندى.
بۇرىن حابارلانعانداي، 12 -قازانعا قاراعان ءتۇنى №50-تۇزەۋ مەكەمەسىنەن توعىز سوتتالۋشى قاشىپ كەتكەن. قاشۋ كەزىندە ولار تۇرمەنىڭ ءۇش قىزمەتكەرىن قىلقىندىرىپ ءولتىرىپ، بىرەۋىنىڭ باسىن بىرنەشە رەت بالعامەن سوققىلاعان.
توعىز قاشقىننىڭ بەسەۋى ۇستالدى، ولاردىڭ اراسىنداعى جاراقاتى بار بىرەۋى اۋرۋحاناعا جەتكىزىلدى، دەپ جازادى كيرتاگ.