قىتاي بيلىگى جالعان ايفون شىعارعان فابريكانى جاۋىپ، 9 ادامدى قاماۋعا الدى
استىرتىن وندىرىستە جاڭا iPhone سمارتفوندارىن بۇرىن قولدانىستا بولعان جانە جاساندى بولشەكتەردەن جيناعان جۇزدەگەن قىزمەتكەر جۇمىس ىستەدى. كونترافاكتىلىك سمارتفوندار ەكسپورتقا، سونىڭ ىشىندە ا ق ش ەلىنە دە جىبەرىلگەن، اعىمداعى جىلدىڭ ىشىندە عانا ساتۋدىڭ جالپى كولەمى 41 مىڭ دا قۇرىلعى نەمەسە 120 ميلليون يۋانعا (19,7 ميلليون ا ق ش دوللارى) باعالانادى. جالعان سمارتفونداردىڭ ءوندىرىسى قاڭتار ايىندا باستالعان.
قىزمەت كورسەتۋ ورتالىعى تۇرىندە جۇمىس ىستەگەن فابريكا 14- مامىردا انىقتالدى، الايدا قىتايلىق قوعامدىق قاۋىپسىزدىك بيۋروسى وتكىزىلگەن ءىس-شارالار تۋرالى الەۋمەتتىك جەلىلەردە تەك وتكەن جەكسەنبى كۇنى حابارلاعان.
بەيجىڭ بيلىك كوزدەرىنىڭ ايتۋىنشا، استىرتىن فابريكانى ەرلى-زايىپتى جۇپ باسقاردى، ال سماترفونداردى قۇراستىرۋ قىتايلىق استانانىڭ سولتۇستىك بولىگىندە جۇزەگە اسىرىلعان.