ەلىمىزدە 9 ميلليون گەكتار جەر پايدالانىلماي بوس تۇر - ەلباسى
ەسكە سالايىق، جيىن بارىسىندا ەلباسىنىڭ سايلاۋ الدىندا جاريالاعان بەس حالىقتىق رەفورماسىن جۇزەگە اسىرۋ ماسەلەلەرى تالقىلانۋدا.
«بەس رەفورما اياسىنداعى ماڭىزدى باعىت - يندۋستيالاندىرۋ مەن ەكونوميكالىق ءوسىم. بۇل رەتتە رەفورمالار ەكونوميكالىق قاتىناستاردىڭ كەڭ اۋقىمىن قامتۋى كەرەك. ول تابيعي رەسۋرستاردان باستالىپ، تابيعي مونوپوليالارمەن اياقتالادى» ، - دەدى ن. نازاربايەۆ.
سونىمەن قاتار، ەلباسى قازاقستاندا اۋىل شارۋاشىلىعى ەلىمىزدىڭ تاريحي باسىمدىعى ەكەنىن جەتكىزدى. «الايدا، جەر قاتىناستارىن رەتتەۋدىڭ تيىمسىزدىگى، ونىڭ ەسكىرۋى جەرگە قاتىستى الەۋەتتىڭ ءبارىن شەكتەپ وتىر. جاقىندا جۇزەگە اسقان جەردى تۇگەندەۋ (ينۆەنتەريزاتسيا) بارىسىندا ەلىمىزدەگى 9 ميلليون گەكتار جەردىڭ پايدالانىلماي بوس تۇرعانى انىقتالدى. بۇكىل الەمدە ازىق- تۇلىكتى قالاي وسىرەمىز دەپ جانتالاسسا، بىزدە توعىز ميلليون گەكتار اينالىمنان شىعىپ قالعان» ، - دەدى مەملەكەت باسشىسى.
اۆتور: قانات مامەتقازى ۇلى