شىنجاڭدا پوليتسيا لاڭكەستىككە كۇدىكتى 9 ادامدى اتىپ تاستادى
حوتان قالاسى پوليتسياسىنىڭ حابارلاۋىنشا، شىنجاڭ ۇيعىر اۆتونوميالىق ولكەسىنىڭ وڭتۇستىك شىعىسىندا تاعى ءبىر ادام ۇستالعان.
شىنجاڭ ايماعى قىتايلىقتاردىڭ ۇيعىرلارمەن ءجيى قاقتىعىسىنىڭ ورنىنا اينالدى. 2009- جىلى ايماق استاناسى - ءۇرىمجى قالاسىنداعى اۋقىمدى ەتنيكالىق تارتىپسىزدىكتەر ەكى جۇزگە تارتا ادامنىڭ مەرت بولۋىنا سوقتىردى، ولاردىڭ كوپشىلىگى - قىتايلىقتار.
2014- جىلعى ناۋرىزدا كۋنمين قالاسى تەمىرجول ۆوكزالىنداعى جاپپاي كىسى ءولتىرۋ كەزىندە 29 ادام ءولدى. اعىمداعى جىلعى مامىر ايىندا ۇرىمجىدەگى بازاردا بومبا جارىلۋىنان 31 ادام قۇربان بولدى. بۇدان كەيىن قىتاي بيلىگى پوليتسەي جاساقتارىن، شىنجاڭنىڭ باستى ەلدى مەكەندەرىنە اسكەري قاتىسۋىن كۇشەيتۋگە شەشىم قابىلدادى.
قىتايدىڭ شىنجاڭ- ۇيعىر ولكەسىندەگى جاعداي ۇلتتىق ازشىلىقتىڭ ورتالىق بيلىكتى ءدىني جانە مادەني ەركىندىكتەرىن تەجەپ وتىر دەگەن ايىپتاۋلارىنان كەيىن ۋشىعىپ كەتتى. قىتاي بيلىگى ءوز كەزەگىندە، ايماقتاعى ادامدار تۇرمىسىن جاقسارتۋمەن بەلسەندى اينالىسىپ جاتقانىن مالىمدەۋدە.