«16-ماۋسىم كۇنى ساعات 09.00-دەگى جاعدايعا سايكەس جاڭادان تاعى 7 دەرەك تىركەلدى. قورىتىندىسىندا تاماقتان ۋلانعاندار سانى 98-گە جەتتى»، - دەپ اتاپ ءوتتى نۇر-سۇلتان قالالىق سانيتاريالىق- ەپيدەميولوگيالىق باقىلاۋ دەپارتامەنتى باسپا ءسوز قىزمەتىنەن.
بۇعان دەيىن 9 جانە 10-ماۋسىمدا دەپارتامەنتتىڭ اۋداندىق باسقارمالارىنا قالا اۋرۋحانالارىنان تاعامنان ۋلانۋ تىركەلگەنى تۋرالى شۇعىل حابارلاما تۇسكەن ەدى. بۇكىل ناۋقاستار بۇل جاعداي ەلوردانىڭ قوعامدىق تاماقتانۋ ورىندارىنىڭ بىرىندە تاماق جەگەننەن كەيىن بولعانىن حابارلاعان بولاتىن. سول ۋاقىتتا 64 ناۋقاس مەديتسينالىق كومەككە جۇگىنگەنى بەلگىلى بولدى. ونىڭ 52 سى اۋرۋحاناعا جاتقىزىلدى، 12 سى امبۋلاتوريالىق ەم الىپ جاتقان.