جالپى، ساۋالناماعا قاتىسقان تۇرعىنداردىڭ 95 پايىزى ق ر پرەزيدەنتىنىڭ قازاقستان حالقىنا جولداۋى ەل ءۇشىن ماڭىزدى وقيعا دەپ سانايتىندىعىن بىلدىرگەن. ال 98 پايىزى جولداۋدىڭ دەر ۋاقىتىندا جاريالانعانىن ءارى ونىڭ ەلىمىز ءۇشىن بارىنشا وزەكتى بولعاندىعىن باسا ايتقان. بۇدان بولەك، 92,5 پايىز ادام اتالعان جولداۋدىڭ كوڭىلىنەن شىققانىن بىلدىرگەن. سونىمەن قاتار، 96 پايىز ادام جولداۋدا ايتىلعان ىستەردىڭ جۇزەگە اسىرىلۋى وزىنە جانە وتباسى مۇشەلەرىنە وڭ اسەر بەرەتىندىگىنە سەنىم ارتقان.
ايتا كەتەيىك، ساۋالناماعا ەلىمىزدىڭ 14 وبلىسى مەن استانا، الماتى قالالارىنان 812 ادام قاتىستى.