انتاركتيدادا مينۋس 98,6 گرادۋس تەمپەراتۋرا تىركەلدى
11:42, 02 - شىلدە 2018
استانا. قازاقپارات - زەرتتەۋشىلەر جەر بەتىندەگى ەڭ سۋىق تەمپەراتۋرانى تىركەدى: انتاركتيدادا تەمپەراتۋرا سەلسيا بويىنشا مينۋس 98,6 گرادۋستى كورسەتكەن.
ا ق ش- تىڭ كولورادو شتاتىنداعى ۋنيۆەرسيتەتتىڭ تەد سكامبوس جەتەكشىلىك ەتەتىن زەرتتەۋ توبى جەر شارىنىڭ وڭتۇستىك پوليۋسى سانالاتىن قۇرلىقتىڭ مۇز قاباتىنا سپۋتنيكتىك تالداۋ جاساۋ بارىسىندا ەڭ تومەنگى تەمپەراتۋرانى بايقاعان.
زەرتتەۋشىلەر 2004 -جىلدان 2016 -جىلدىڭ ارالىعىنداعى كەزەڭدە وڭتۇستىك پوليار ايماعىندا مينۋس 90 گرادۋستان تومەن تەمپەراتۋرانى جالپى سانى 150-دەن كوپ رەت بايقاعان. زەرتتەۋشىلەر وزدەرى جۇرگىزگەن ولشەمدەر تۋرالى «جەر مەن عارىش تۋرالى پەرسپەكتيۆالى عىلىمدار» جۋرنالىندا جاريالاعان.
ماقالا ماۋسىمنىڭ 25- كۇنى جۋرنالدا جاريالانعانعا دەيىن جەر بەتىندە تىركەلگەن ەڭ سۋىق تەمپەراتۋرا - 1983 -جىلعى شىلدەنىڭ 23- كۇنى انتاركتيداداعى رەسەيلىك «ۆوستوك» زەرتتەۋ ستانتسياسىندا مينۋس 89,2 گرادۋس بولعان.
www.azattyq.org