ساۋالناماعا قاتىسقانداردىڭ 97,64 پايىزى كانديدات ن. نازاربايەۆقا داۋىس بەرگەندىگىن ايتتى

استانا. قازاقپارات - جۇرگىزىلگەن ساۋالناما قورىتىندىلارى بويىنشا سۇرالعانداردىڭ 97,64 پايىزى كانديدات ن. نازاربايەۆقا داۋىس بەرگەندەرىن ايتتى.

بۇل تۋرالى الەۋمەتتىك-ساياسي زەرتتەۋلەر ينستيتۋتىنىڭ ديرەكتورى ايگۇل ءسادۋاقاسوۆا ءمالىم ەتتى.

«بۇگىن - قازاقستان حالقى ءۇشىن ەرەكشە كۇن. ءبىزدىڭ الەۋمەتتىك-ساياسي زەرتتەۋ ينستيتۋتى سايلاۋ ناۋقانى بارىسىندا كۇنى بويى سايلاۋشىلاردىڭ كىمگە داۋىس بەرگەنىن انىقتاپ، ءانونيمدى ساۋالناما جۇرگىزدى. ساۋالناما قورىتىندىلارى بويىنشا سۇرالعانداردىڭ 97,64 پايىزى كانديدات ن. نازاربايەۆقا داۋىس بەرگەندەرىن ايتتى. 0,77 پايىزى رەسپوندەنت ءا. قۇسايىنوۆقا، 1,59 پايىزى ت. سىزدىقوۆقا داۋىس بەرگەن. بۇگىنگى Еxit-poll  الدىن الا مالىمەتتەرى وسىنداي»، - دەپ اتاپ ءوتتى ول.

ا. ءسادۋاقاسوۆانىڭ ايتۋىنشا، Еxit-poll  مەتوديكاسىمەن بايلانىستى الەۋمەتتىك زەرتتەۋ ءادىسى سايلاۋ ۋچاسكەسىنەن داۋىس بەرىپ شىققان سايلاۋشىلارعا نەگىزدەلگەن. «قازاقستاننىڭ بارلىق ايماقتارى بويىنشا ءبىزدىڭ ساۋالناماعا 40 مىڭ رەسپوندەنت قاتىستى. ساۋالناما جۇرگىزۋگە 350 دەن استام ادام جۇمىلدىرىلدى. ءبىر كۇن ىشىندە ساۋالنامانىڭ ءتورت تولقىنى جۇرگىزىلدى»، - دەدى ول.

اۆتور: ءابۋ-اسقار مەكەش ۇلى