راحيلا ەرجانوۆا 1924 -جىلى تاسارال اۋىلىندا دۇنيەگە كەلگەن. اۋىل مەكتەبىندە جاقسى وقىعان. وكىنىشكە وراي، ول تەك بەسىنشى سىنىپتى ءبىتىرىپ ارى قاراي وقي الماعان. كەيىن دۇمىس ىستەپ، تۇرمىسقا شىعىپ، ەكى بالانىڭ اناسى اتاندى. راحيلا اجە ءومىر بويى جولداسىمەن بىرگە بالقاش كولىندە بالىق اۋلاۋمەن اينالىسقان. ءبىراق ول وقۋعا قاشان دا ۋاقىت تاۋىپ، بالالارىنىڭ ادەبيەتكە دەگەن سۇيىسپەنشىلىگىن وياتىپ وتىرعان.
«ول كەزدە وقي الاتىن ايەلدەر از بولاتىن. كەلىندەر ءۇي شارۋاشىلىعىمەن اينالىسۋى كەرەك ەدى. ءبىراق مەنىڭ انام وقىعاندى ۇناتاتىن جانە ۇنەمى كىتاپ وقىپ جۇرەتىنىن كورەتىنمىن. ول اسىرەسە قازاق اقىندارىنىڭ شىعارمالارىن ءسۇيىپ وقيتىن. انامنىڭ بۇل قاسيەتى بالالارىنا دا جاقسى اسەر ەتتى»، - دەيدى راحيلا ەرجانوۆانىڭ قىزى بايان اياشبەكوۆا.
قازىر راحيلا اجەنىڭ 9 نەمەرەسى جانە 16 شوبەرەسى بار، ولاردىڭ بارلىعى ولەڭ ايتادى. كورۋ قابىلەتىنىڭ ناشارلاۋىنا قاراماستان، راحيلا ەرجانوۆانىڭ وقۋعا دەگەن ىقىلاسى ءالى دە زور.
اۆتور: اگاتا مۋحامەدجانوۆا