«قازىر بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتىنىڭ بازاسىندا وتاندىق ۆاكسينا شىعارۋ ماسەلەسى قاراستىرىلىپ جاتىر. ءبىز تەستىلەۋدىڭ ەكىنشى كەزەڭى اياقتالعانىن بىلەمىز. جانە ول ءساتتى ءوتتى. وتاندىق ۆاكسينانىڭ تيىمدىلىگى دەگەن اقپارات بار. ەندى ۇكىمەت، دەنساۋلىق ساقتاۋ جانە ءبىلىم جانە عىلىم مينيسترلىگى وتاندىق ۆاكسينا ءوندىرىسىن باستاۋ ماسەلەسىن رەتتەپ جاتىر. سىناقتان وتكىزۋدىڭ ءۇشىنشى كەزەڭى تاراز بەن الماتىدا وتەدى. تىركەۋدەن كەيىن ونىڭ ونەركاسىپتىك ءوندىرىسى باستالادى»، - دەپ اتاپ ءوتتى جانداربەك بەكشين.
سونداي- اق، الماتى قالاسى سانيتاريالىق- ەپيدەميولوگيالىق باقىلاۋ دەپارتامەنتىنىڭ باسشىسى ۆاكسينا سالدىرۋعا دايىن ەكەنىن اتاپ ءوتتى.
«مەن كوروناۆيرۋسپەن اۋىردىم. ەندى دارىگەرلەرمەن كەڭەسەمىن، ەگەر يممۋنولوگتار ۆاكتسينا سالدىرۋعا رۇقسات بەرسە، وندا مەن دە كوروناۆيرۋسقا قارسى ەكپە الامىن»، - دەيدى قالانىڭ باس سانيتار دارىگەرى.
ەسكە سالايىق، 4-جەلتوقسان كۇنى پرەمەر- مينيستر پرەزيدەنتكە كلينيكالىق سىناقتىڭ 1 جانە 2-كەزەڭى اياقتالعانىن مالىمدەدى. اسقار ءماميننىڭ ايتۋىنشا، ۆاكسينانىڭ كەرى اسەرى انىقتالعان جوق جانە ونىڭ جوعارى تيىمدىلىگى تىركەلدى. 25-جەلتوقساننان باستاپ كلينيكالىق سىناقتاردىڭ 3- كەزەڭىندە اتالعان ۆاكسينا 3 مىڭ ەرىكتىگە ەگىلەدى. سىناق 2021 -جىلى ناۋرىزدىڭ سوڭىنا قاراي اياقتالادى.