تۇركيادا كونسۋلدىق ەسەپتە قازاقستاننىڭ 968 ازاماتى تۇر –س ءى م
21:22, 07 - اقپان 2023
استانا. قازاقپارات - تۇركيادا 75 مىڭعا جۋىق قازاقستان ازاماتى بولۋى مۇمكىن.
بۇل تۋرالى سىرتقى ىستەر مينيسترىلىگىنىڭ رەسمي وكىلى ايبەك سمادياروۆ ب ا ق وكىلدەرىمەن وتكەن بريفينگىدە ءمالىم ەتتى، دەپ حابارلايدى قازاقپارات ءتىلشىسى.
«جالپى بۇگىندە تۇركيادا كونسۋلدىق ەسەپتە قازاقستاننىڭ 968 ازاماتى تۇر. انكارادا – 498، ىستانبۇلدا – 45، انتاليادا -189 ادام.
وعان قوسا، سوڭعى مالىمەت بويىنشا تۇركيادا 8219 قازاقستاندىق ستۋدەنت ءبىلىم الۋدا. جالپى تۇرىك تاراپىنىڭ مالىمەتىنشە، ەلدە قازاقستاننىڭ 785 مىڭعا جۋىق ازاماتى بولۋى مۇمكىن»، - دەدى ايبەك سمادياروۆ.
ەسكە سالساق، تۇركيانىڭ وڭتۇستىك-شىعىسىندا بولعان ءزىلزالادان قازا تاپقاندار سانى 3419 ادامعا جەتكەنى حابارلانعان ەدى.