ەكى پويىز سوقتىعىسىپ، 95 ادام زارداپ شەكتى
08:31, 22 - ناۋرىز 2022
نۇر-سۇلتان. قازاقپارات - بۇگىن، دۇيسەنبىدە تۋنيس استاناسىنىڭ وڭتۇستىگىندە ەكى جولاۋشىلار پويىزى سوقتىعىسىپ، اپات سالدارىنان كەم دەگەندە 95 ادام زارداپ شەكتى، دەپ حابارلايدى قازاقپارات AFP اگەنتتىگىنە سىلتەمە جاساپ.
تۋنيس قۇقىق قورعاۋ ورگاندارىنىڭ مالىمەتىنشە، زارداپ شەككەندەر جەڭىل جاراقاتتار العان. تۋنيس ازاماتتىق قورعانىس وكىلى موەز ترەا اپاتقا ۇشىراعان پويىزدىڭ ءبىرىنىڭ جولاۋشىلار تاسىمالداعانىن، ال ەكىنشىسىنىڭ بوس بولعاىنىن ايتتى.
ونىڭ تۇسىندىرۋىنشە، زارداپ شەككەندەردىڭ بارلىعى اۋرۋحانالارعا جەتكىزىلگەن. قازىرگى ۋاقىتتا ولارعا قاجەتتى مەديتسينالىق كومەك كورسەتىلۋدە.