ۆەتنام اقپاراتتىق اگەنتتىگىنىڭ «قازاقپارات» ح ا ا ۇجىمىن 95 جىلدىعىمەن قۇتتىقتاۋى
قۇرمەتتى داۋرەن كەڭەس ۇلى دياروۆ مىرزا!
ۆەتنام اقپاراتتىق اگەنتتىگى (VNA) ديرەكتورلار كەڭەسىنىڭ اتىنان ءسىزدى جانە «قازاقپارات» حالىقارالىق اقپاراتتىق اگەنتتىگىنىڭ ۇجىمىن 95 جىلدىق مەرەيتويىمەن قۇتتىقتاۋعا رۇقسات ەتىڭىزدەر!
«قازاقپارات» سوناۋ 1920 -جىلدان باستاۋ الاتىن كوپ جىلدىق تاريحىمەن ماقتانا الادى. ءار جىلدارى «قازاقپارات» اگەنتتىگىنىڭ باسشىلارى مەن تىلشىلەرى بۇكىل دۇنيەجۇزىنە ەل مەن ونىڭ حالقى تۋرالى سەنىمدى ءارى جۇيەلى اقپارات تاراتىپ، قازاقستان حالقىن الەمدەگى جاڭالىقتارمەن تانىستىرۋ ارقىلى ونىڭ ميسسياسىن ورىنداپ كەلەدى.
VNA مەن «قازاقپارات» اگەنتتىگىنىڭ اراسىندا قول قويىلعان كەلىسىم اياسىندا جۇزەگە اسىپ كەلە جاتقان كاسىبي ىنتىماقتاستىقتىڭ ارقاسىندا كومپانيالارىمىزدىڭ اراسىندا ءوزارا ءتيىمدى ارەكەتتەستىكتىڭ ىرگەتاسى قالاندى. وسىلايشا اگەنتتىكتەرىمىز ەلدەرىمىز اراسىنداعى ءوزارا تۇسىنىستىك اياسىن كەڭەيتۋدە ۇلەسىن قوسىپ جاتىر.
بۇل ايتۋلى كۇنى سىزگە جانە «قازاقپارات» اگەنتتىگىنىڭ ۇجىمىنا ەلدەگى سەنىمدى ءارى ءتيىمدى اقپارات كوزى رەتىندەگى ميسسياسىن ورىنداۋدا جاڭا جەتىستىكتەرگە قول جەتكىزۋدى تىلەۋگە رۇقسات ەتىڭىز.
قۇرمەتپەن، ۆەتنام اقپاراتتىق اگەنتتىگىنىڭ باس ديرەكتورى نگۋەن ديۋ لوي (Nguyen Due loi).